Faahfaahino dheeraad ah ayaa kasoo baxaya dab xooggan oo saacadihii lasoo dhaafay ka kacay guri kuyaal degmada Wajaalle ee dhacda waqooyiga Soomaaliya, halkaas oo ay ku dhinteen dad u badan caruur.
Dad goobjoogeyaal ah ayaa warbaahinta maxalliga u sheegay in ugu yaraan saddex qof oo caruur ah ay ku dhinteen dabkan, walow wararka qaar ay intaas ku darayaan in caruurta ay la geeriyootay habaryartood, waxaana dabka uu sidoo kale burbur xooggan gaarsiiyay guriga.
Dadka deegaanka ayaa gurigaasi ku baxay dabka kaddib, waxaana ugu dambayn lagu guuleystay in la damiyo, balse waxaa uu dabkaasi gallaaftay caruurta, waana mid ka mid ah shilalka dabka ah ee laga soo tabiyo deegaannada uu ka arrimiyo maamul goboleedka ashahaada la dirirka ah ee Somaliland.
