Xogo faahfaahsan ayaa kasoo baxaya howlgalkii Inqimaasiga ee ciidamada mujaahidiintu ka fuliyeen gudaha xerada General Gordon ee magaalada Muqdisho, halkaas oo ay ku sugnaayeen saraakiisha ugu sarraysa ee dowladda Ridada Imaaraadka u jooga Soomaaliya, sidoo kalena talis u ahayd calooshood u shaqaysteyaasha Imaaraadka carabta.
Saraakiisha dowladda Riddada Imaaraadka carabta looga dilay howlgalkan barakaysan waxaa ka mid ahaa Kornayl, Maxamed Mubaarak oo ahaa sarkaalkii ugu sarreeyey howlgalka ashahaada la dirirka ah ee Imaaraatka Carabta ee Koonfurta iyo bartamaha Soomaaliya.
Sarkaalka 2-aad oo aan magaciisa la shaacin waxaa lagu sheegay inuu ahaa sarkaal u dhashay waddanka Imaaraadka carabta, kaas oo haystay Xerada Jeneral Gordon ee magaalada Muqdisho, wuxuuna ka mid ahaa saraakiisha sar sare ee Imaaraadka u qaabilsanayd duullaankiisa ashahaada la dirirka ah ee Soomaaliya.
Sarkaalka 3-aad oo ahaa madaxii qaybta tabobarka ayaa sidoo kale Allaah fadligiis lagu dilay howlgalkaqn, taliyihii sirdoonka iyo taliyihii saadka iyo gaadiidka, ayaa sidoo kale ka mid ahaa saraakiisha dhagta dhiigga loo daray, waxaa sidoo kale la khaarajiyay saraakiil kale oo isugu jiray reer galbeed iyo Afrikaan, Imaaraadka carabta ayaa bayaan uu soo saaray ku sheegay in saraakiisha howlgalka looga dilay uu ka mid ahaa sarkaal sare oo u dhashay dalka Baxrayn.
Taliska ciidanka mujaahidiinta ayaa si horudhac ah u xaqiijiyay in howlgalkan lagu dilay 17 sarkaal oo ay ku jiraan dhamaan saraakiishii Imaaraadka u qaabilsanaa duullaankiisa ka dhanka shareecada ee uu kaga jiro Soomaaliya.
