Taliska dhexe ee ciidamada Mareykanka ee loo yaqaano (CENTCOM) ayaa sheegtay in uu duqeymo kala duwan la beegsaday kooxda xuuthiyiinta ee fadhigeedu yahay Yeman.
Sida lagu sheegay warsaxaafadeed kasoo baxay taliskan, duqeymahan waxaa lala beegsaday goobo ay xuuthiyiintu ku diyaarinayeen weeraro ay ku qaadaan maraakiibta Mareykanka iyo kuwa Ingiriiska ee isticmaala badda cas.
Wexay sheegeen inay howlgalkaas ku burburiyeen diyaarado kuwa aan duuliyaha laheyn iyo gantaallada balaastigga oo yaallay xeryaha ciidanka Xuuthiyiinta.
Xuuthiyiintu, waxay dhankooda qaadeen weeraro culus oo lagu burburiyay Maraakiib laga leeyahay waddamada reer galbeedka, kuwaas oo ay ku beegsadeen biyaha badda cas.
Gaashaanbuur uu dhisay Mareykanka oo uu ugu talagalay inuu kula dagaallamo Xuuthiyiinta, ayaa toddobaadyadii lasoo dhaafay weeraro ku beegsanayey fariisimaha kooxdan ee Yemen, si ay u joojiyaan halista soo food saartay isu socodkooda biyaha badda cas.
