Tafaasiil dheeraad ah ayaa laga helayaa howlgallo khasaare culus lagu gaarsiiyay maleeshiyaadka murtadiinta oo saacadihii lasoo dhaafay ka kala dhacay wilaayaadka Jubbada hoose iyo Banaadir, halkaas oo murtadiin askar badan looga dilay, kuwana looga dhaawacay hub iyo agabyo kale oo ciidana looga furtay.
Haddii aan ku hormarno jubbada hoose, waxay faahfaahin kasoo baxaysaa dagaallo culus oo tiro 3 jeer lagu jabiyay maleeshiyada maamul goboleedka ashahaada la dirirka ah ee Jubbaland oo dhanka hawada sare ah ay ka taageerayeen diyaaradaha dowladda saliibiyadda ah ee Maraykanka, dagaallada ayaa ka dhacay nawaaxiga deegaanka Wir-kooy ee dhaca duleedka Kismaayo.
Khasaaraha dhimasho ee maleeshiyaadka murtadiinta ku gaaray dagaalkaasi ayaa gaaray 14 xubnood murtadiin ah oo saraakiil ku jireen, dhaawaca ayaa sidoo kale gaaray 27 murtadiin ah oo saraakiil ku jiraan, waxayna sidaas wadarta dhimasho iyo dhaawac ku noqonaysaa 41 murtadiin ah oo isugu jira saraakiil iyo askar, waxay sidoo kale mujaahidiintu soo qaniimeysteen 5 qori AK47 ah iyo agabyo kale oo kuwa ciidanka ah.
Dhanka kale, faahfaahin ayaa laga helayaa qarax saacadihii lasoo dhaafay mujaahidiintu ku weerareen fariisin maleeshiyada Riddada ah ay kaga sugnaayeen deegaanka tabeellaha Sheekh Ibraahiim ee dhaca duleedka magaalada Muqdisho. dhimashadu waa hal askari, halka dhaawacana uu yahay mid kale.
