Dowladda Riddada ee Turkiga ayaa si rasmi ah u shaacisay wakhtiga kama dambaysta ah ee ay billaabi doonto inay ku dhaqaaqdo baarista khayraadka Shidaalka ah ee uu Allaah ku mannaystay dadka Soomaaliyeed, kaddib markii horay kooxda Riddada ay dowladdaasi ugu wareejiyay khayraadka badda iyo barriga Soomaaliya.
Wasiirka Tamarta ee dowladda Riddada Turkiga, ninka lagu magacaabo Alparslan Bayraktar, ayaa sheegay in 2025 ay dowladdiisu ka bilaabayso xeebaha Soomaaliya howlo shidaal baaris ah, kaasi oo qayb ka ah misena daba socdo heshiis xaaraan ah oo ay la galeen kooxda Riddada ee uu madaxa u yahay murtad Xasan Gurguurte.
Wasiirkan ayaa mar uu arrimahaasi ka hadlayay yiri“ Turkiga iyo dowladda Soomaaliya waxay hadda diyaar u yihiin in ay horumariyaan kaydka shidaalka Somalia, heshiiska waxaa ka mid ah baarista, ka faa’iidaysiga, horumarinta iyo soo saarista shidaalka xeebaha Soomaaliya”.
Waxay tani qayb ka tahay fulinta heshiisyo sharci darro ah oo ay kooxda Riddada Soomaaliya dowladaha xulafada la ah ee Saliibiyiinta iyo murtadiinta ugu wareejinaysay khayraadka umadda Soomaaliyeed, heshiishyada xaaraanta ah ee ay kooxda Riddadu Turkigu la gashay waxaa ka mid ah heshiiskii maamulka badda Soomaaliya lagu wareejiyay, kaas oo ka dhacay magaalada Ankara, 9-kii February sannadkan 2024-ka.
Heshiiskan ugu dambeeyay ee khayraadka shidaalka Soomaaliya ka buuxa loogu wareejiyay Turkiga, imikana uu isku diyaarinayo fulintiisa ayaa waxaa 27-ka bishii ina dhaaftay ee March qalinka ku duugay oo saxeexay golaha wasiiradda ee xukuumadda Riddada.
