Warbixin cusub oo ay soo saartay hay’ada loogu yeero Amnesty International ee sheegata inay u dodo xuquuqda aadanaha ayay ku sheegtay In baaritaan ay samaysay lagu ogaaday in xasuuqa ay diyaaradaha dagaalka Turkigu ka geysanayaan Soomaaliya ay noqon karaan dambiyo dagaal.
Hay’adda ayaa intaas ku dartay in laba weerar oo ay bishii Ramadaan ee la soo dhaafay diyaaradaha dagaalka Turkigu ka geysteen wilaayada Shabeellada hoose ay ku dhintneen 23 qofood oo shacab ah kuwaas oo ay kamid ahaayeen 14 caruur ah, 5 dumar ah iyo 4 rag ah, sidoo kalena ay ku dhaawacmeed 17 kale oo shacab ah kuwaas oo 11 kamid ah ay caruur ahaayeen.
Duqeynta ayay hay’addu baaritaankeeda ku sheegtay in lagu garaacay dad shacab ah oo ku sugnaa beerta Jaffeey oo qiyaastii 3km dhanka galbeed kaga beegan tuulada Baqhdaad ee wilaayada Shabeellaha Hoose, intii u dhaxeysay 8-dii ilaa 8:30 fiidnimo.
“Dowladaha Turkiga iyo Soomaaliya waxaa waajib ku in ay baaritaan ku sameeyaan duqaymahaan lagu hoobtay ayna u qaataan inay yihiin dambiyo dagaal, waana in ay joojiyaan weerarada aan ka fiirsiga lahayn ee lagu beegsanayo dadka shacabka ah” Sidaas waxaa yiri agaasimaha hay’ada Amnesty International u qaabilsan Bariga iyo Koonfurta Afrika.
“Xasuuqaan naxdinta leh waa inaan indhaha laga laabanin. Kuwa ka badbaaday iyo qoysaskooduna waxay mudan yihiin inay helaan run, caddaalad iyo magdhow.” Ayuu hadalkiisa sii raaciyay.
Hay’addan ayaa baaritaankeeda ku sheegtay inay waraysatay 12 qofood oo ay ku jiraan 4 dhibanayaal iyo goob-joogayaal ah, iyo afar ka tirsan qoyska dadka ku dhaawacmay duqaymaha. Cilmi-baarayaasha hay’ada ayaa dib u eegis ku sameeyay sawirrada dayax-gacmeedka iyo warbixinnada caafimaadka, waxay sidoo kale falanqeeyn ku sameeyeen sawirrada dadka ku dhaawacmay duqaymaha iyo hubka loo isticmaalay waxayna xaqiijiyeen in weerarka lagu fuliyay bambooyinka MAM-L glide, kuwaas oo laga soo tuuray diyaaradaha aan duuliyaha lahayn ee Turkiga ee loo yaqaano TB-2.
“ Bambooyinkaas waxaa soo saaray Turkiga, weerarada aan kala soocaynin bartilmaameedyada militariga iyo dadka shacabka ahna waa kuwo noqon karaan dambiyo dagaal” ayaa lagu yiri warbixinta.
Sida uu sheegay goobjooge ay wareysatay Amnesty International, duqeymaha ay fuliyeen diyaaradaha aan duuliyaha lahayn ee Turkiga ayaa abaaro 7:30 fiidnimo waxa ay ku garaaceen masjid ku yaala dhanka bari ee magaalada Baqhdaad, waxaa ay burburiyeen dhismihii masjidka islamarkaana waxay waxyeelo soo gaartay guryo ka ag dhawaa masaajidka. Intaas kadib dad badan oo shacab ah ayaa waxay u carareen beerta Jaffey si ay gabaad u raadsadaan. Duqayntii ugu horeysay ee lagu garaacay beerta ayaa sababtay dhimasho iyo dhaawac. Duqayn labaad oo ku dhawaad 30 daqiiqo ka dib dhacay, ayaa waxaa lagu laayay laguna dhaawacay dad badan oo rayid ah oo ka yimid tuulooyinka deriska ah ee Alifow iyo Gaalgube si ay ugu gurmadaan dadkii ka badbaaday duqaynta koowaad, sida ay goobjoogayaashu u sheegeen hay’adda.
Taariikhdu markii ay ahayd 5-tii Abriil, Amnesty International waxay warqado u dirtay dowladaha Soomaaliya iyo Turkiga, oo ay ku weydiisay in faahfaahin laga bixiyo howlgalkii 18-kii Maarso iyo xasuuqii ka dhacay Shabeellada hoose, balse midkoodna kama soo jawaabin su’aalaha.
Hay’ada ayaa ku eedeysey kooxda ridada Soomaaliya inysan wax garawshiiyo ama magdhaw ah ka bixinin falalka ay geysanayaan ciidamadeeda iyo ciidamada ajanabiga ah ee iyada taageera, sidoo kale inay iska indho tiro xad-gudubyada ka dhanka ah dadka shacabka ah ee aanan waxba galabsanin.
Amnesty International ayaa warbixinteeda ku soo gabagabaysay in ay hore u diiwaan gelisay duqeymo isdabajoog ah oo uu fuliyeen taliska ciidamada Mareykanka Afrika ee AFRICOM, kuwaasoo ay ku laayeen kuna dhaawacmeen dad rayid Soomaaliyeed ah.
Duqaymaha ay geystaan ciidamada kuffaarta shisheeyaha ah ayaa joogta ka ah qaybo kamid ah wilaayaatka Soomaaliya kuwaas oo intooda badan ay gaystaan wadamada Maraykanka iyo Kenya, balse waa markii ugu horeysey oo warbaahinta reer galbeedka ah iyo hay’adaha sheegta inay u doodaan xuquuqda aadana ay tooshka ku ifiyaan xasuuqa ay dhankooda ka wadaan diyaaradaha Turkigu ee lagu gumaadayo shacabka Soomaaliyeed.
