Xildhibaan Cabdullaahi Aadan oo loo yaqaan Kulane Jiis, oo ka mid ah xubnaha golaha dawaaqiidda ee kooxda Riddada Soomaaliya, ayaa sheegay in Xasan Sheekh Maxamuud uu suuq madow ku xaraashayo khayraadka shidaalka ee ka buuxa Soomaaliya, qorshahaas darteedna uu tiroba dhowr jeer ugu safray dalka dibaddiisa.
Murtad Kulane Jiis, ayaa qoraal kooban oo uu soo dhigay bartiisa X, ku sheegay in murtad Xassan Sh Maxamuud uu dadka Soomaaliyeed ka qariyay heshiisyo uu ku xaraashayo khayraadka shidaalka ee Soomaaliya, sidoo kale wuxuu sheegay in heshiisyadan laga qariyay baarlamaanka Riddada, ayna yihiin kuwa uu si hoose uu wato murtad Xassan Gurguurte, taasi oo uu ku tilmaamay mid uu isaga indha-tiray shuruucda u degsan dowladdiisa.
Sidoo kale wuxuu sheegay in Xasan Sheekh inta uu qorshahan ku howlanaa uu safarro dhowr ah ku tagay dalka Kenya, haddana uu qorsheynayo in uu soo gabagabeeyo heshiiska uu ku iibinayo baloogyada shidaal ee Soomaaliya, sida uu sheegay Kulane Jiis.
“Xasan Sheekh waxa uu ku hawlanaa heshiis ku saabsan iibinta baloogyada shidaalka, waana sababta ugu weyn ee uu safarro dhowr ah ugu tagay Kenya oo uu haddana u safri doono Nairobi, si uu heshiiska usoo gabagabeeyo!”, ayuu yiri Kulane Jiis.
Xogta uu bixiyay xildhibaankan ka tirsan baarlamaanka Riddada, ayaa imaanaya xilli kooxda Riddada ee uu hoggaamiyo Xasan Gurguurte ay horay u saxiixday heshiisyo sharci darro ah oo ay la gashay dowladda Riddada ah ee Turkiga, heshiisyadaas oo uu qayb ka ah heshiis ay ku xaraashtay khayraadka Shidaalka ee uu Allaah ku mannaystay umadda Soomaaliyeed.
