Gaari Cabdibile ah oo ay la socdeen maleeshiyaad ka tirsan kooxda Riddada Soomaaliya, ayaa barqanimadii maanta gudaha caasimada si bareer ah ugu jiiray gaari nooca moota bajaajta loo yaqaan oo ay la socdeen dad rayid ah, halkaas oo waxyeello kala duwan ay kasoo gaareen dadka shacabka ah.
Dhacdadan ayaa laga soo tabiyay suuqa beerta ee degmada Waaberi ee magaalada caasimadda ah ee Muqdisho, gaariga Cabdbilaha oo ay la socdeen askar ka tirsan murtadiinta ayaana si bareer ah suuqaasi ugu jiiray moota bajaajta ay la socdeen dadka shacabka ah.
Inta la hubiyay ugu yaraan laba gabdhood oo moota bajaajtaasi saarnaa ayay waxyeello kala duwan soo gaartay, mid ka mid ah labada gabdhooda ayaa dhaawacantay, halka tan kalena ay miyir beeshay kaddib markii ay jug kasoo gaartay gaariga Cabdibilaha ah ee xooga ku dulmaray moota bajaajta.
Sawirro lagu faafiyay baraha bulshada, ayaa muujinayay burbur xooggan oo gaaray moota bajaajta iyo dadweyne aad u fara badan oo isugu soo xoomay halka ay dhacdadu ka dhacday, waxaana la wariyay in uu dhacdadan ka badbaaday wadaha moota bajaajta.
