Howlgal gaar ah oo ciidamada mujaahidiintu saacadihii lasoo dhaafay ka fuliyeen degmada Dharkenley ee magaalada Muqdisho, ayaa lagu khaarajiyay murtad Mukhtaar Nuur Geesey, kaasoo ahaa guddoomiyihii hore maamulka Riddada ee degaanka Ceelasha-biyaha ee duleedka magaalada Muqdisho.
Murtadkan ciidamada Shabaabul Mujaahidiin ku khaarajiyeen Muqdisho, ayaa sidoo kale horay usoo noqday gudoomiye ku xigeenkii hore ee maamulka Riddada ugu magacaaban degmada Lafoole, Ugu dambayn wuxuu Allaah mujaahidiintu waafajiyay inay toogasho ku dilaan murtadkaasi.
Dhanka Sh/hoose, Howlgal qarax ah oo ciidamada mujaahidiintu ka fuliyeen gudaha degmada Afgooye ayaa lala eegtay maleeshiyaad murtadiin ah oo ku qayilayey goob ku taalla degmadaasi, waxaana qaraxaasi ku dhintay saddex askari oo murtadiin ah.
Dhanka Baay, waxay ciidamada mujaahidiintu qarax ka fuliyeen xaafadda Buulo-jameeco ee magaalada Baydhaba, kaasi oo lala eegtay guri uu daggan yahay wasiirka Tamarta iyo Macdanta ee maamulka ashahaada la dirirka Koonfur galbeed, murtadka lagu magacaabo Iimaan Cali Cabdi, qaraxaasi waxaa ku dhaawacmay mid ka mid ah ilaalada murtadka la beegsaday, halka burbur xooggan uu soo gaaray dhismaha uu dagganaa murtadkaasi.
Dhanka Bakool, waxay ciidamada mujaahidiinta ee ka jihaada wilaayadaasi weerar abaabulan oo dagaal toos ah ku mireen saldhigga maleeshiyaadka Riddada ee degmada Waajid, lama helin faahfaahin ku aaddan weerarkaasi.
