Ciidamada Shabaabul Mujaahidiin ee saaka weerarada cagmarinta ah kula jarmaaday saldhigyada maleeshiyada Riddada ee degmada Ceel-dheer ee wilaayada islaamiga ah ee Galgaduud, waxay Allaah fadligiis dagaal xooggan kaddib si buuxda ula wareegeen gacan ku haynta saldhigyada afarta ah ee ay weerarada ku ekeeyeen.
War kooban oo taliska ciidanka mujaahidiinta kasoo baxay ayaa lagu xaqiijiyay in mujaahidiintu Allaah fadligiis cagta mariyueen illaa 4 saldhig oo murtadiintu kaga sugnaayeen gudaha iyo duleedka magaalada Ceeldheer, dagaal culus kadibna ay si buuxda gacanta ugu dhigeen dhamaan saldhigyadaasi afarta ah.
Dagaal kaddib waxaa mujaahidiinta sidoo kale u suuragashay inay gudaha u galaan gacantana ku dhigaan degmada Ceeldheer kaddib uu Allaah jebiyay maleeshiyaadkii murtadiinta ee duullaanka ashahaada la dirirka ah ku joogay magaaladaasi.
Akhriso warka taliska ciidanka:ciidamada Mujaahidiinta ayaa cagtma mariyay si buuxdana ula wareegay dhamaan afartii saldhig ee ay cadawga murtadiintu ku lahaayeen gudaha iyo duleedka degmada Ceeldheer ee bariga wilaayada Galguduud. Mujaahidiinta ayaa sidoo kale gudaha u galay gacantana ku dhigay degmada Ceeldheer kadib markii murtadiinta la jebiyay.
Taliska ciidanka mujaahidiinta ayaa sheegay in ciidamka Riddada ah ee ku sugnaa deegmada Ceeldheer ay ahaayeen afar urur oo kala deganaa afar saldhig, 2 urur oo ka mid ah ayuu talisku sheegau inay ahaayeen ciidamadii Riddada ee lagu soo tababaray dalka Masar, hal urur wuxuu ahaa ciidamada uu Turkigu tababaray ee loogu yeero Gorgor, halka ururka afaraad uu ahaa ciidamo qaab ashaamud ah oo iskugu jira kuwa qaab beeleed loo soo aruuriyay iyo waxa loogu yeero macawiisleey. Guud ahaan tirada ciidamada cadawga ee ku sugnaa Ceeldheer waxay gaarayeen in ka badan 1,200 oo askari.
La soco wixii soo kordha.
