Kulan deg deg ah oo maanta ay yeesheen golaha dawaaqiidda ee maamul goboleedka ashahaada la dirirka ah ee Jubbaland ayaa wax ka beddel ku sameeyay dastuur gaaleedka u degsan maamulkaasi.
Golaha ayaa gacan taag ku ansixiyay wax ka beddel lagu sameeyay qaar ka mid ah qodobbada dastuurka maamulkaasi, iyagoo burbiyay waxay ugu yeeraan qodobka 70-aad oo diidayay in madaxweynaha inka badan 2 jeer uu isku soo sharaxo xilka madaxtinimo.
Qodobkan oo ah midka maalmihii lasoo dhaafay buuqa xooggan ka dhex dhaliyay siyaasiyiinta maamulkan ayay meesha ka saareen xildhibaannada maamulkaasi, waxay sidoo kale mudada xilka Axmed Madoobe ka dhigeen muddo 5 sano ah, kaasi oo markii hore ahaa muddo 4 sano ah.
Go’aankan oo ah mid uu Axmed Madoobe usoo gudbiyay baarlamaanka Riddada maamulkaasi, uuna horay uga soo horjeestay guddoomiye ku xigeenka koowaad ee golahaas dawaaqiidda ah, ayaa Axmed Madoobe u oggolaanaya in uu markale isku soo sharraxo xilka madaxtinimo, arintaas oo ay si wayn uga soo horjeedaan golaha musharixiinta ee u taagan xilka madaxweynaha maamulkaasi.
Xubnaha u taagan xilka madaxweynaha Riddada maamulkaasi ee sida wayn uga soo horjeestay qorshahan wax ka beddelka loogu sameeyay dastuurka maamulkaasi waxaa ka mid ah, murtad Maxamed Cabdullaahi Oomaar oo ah wasiirkii hore ee gaadiidka iyo duulista hawada ee kooxda Riddada Soomaaliya, kaasi oo horay xildhibaannada ugu soo jeediyay in aysan ansixin qorshe qalalaase horseedi kara.
