Wararka ka imaanaya gobolka Hiiraan ee dhaca bartamaha dalka Soomaaliya ayaa sheegaya in ciidamada saliibiyiinta xabashida Itoobiya ay banneeyeen deegaan ay ku sugnaayeen waxkabadan 10 sanadood.
Kumanaan ka tirsan ciidamada xabashida Itoobiya ayaa isaga baxay degmada Maxaas ee dhacda bariga gobolka Hiiraan, sida ay xaqiijiyeen dadka deegaanka.
Ciidamada Itoobiya oo wata toddobaatameeyo gaadiid ah ayaa gaaray deegaanka Hees, waxayna kusii jeedaan dhanka xuduud beenaadka uu gobolka Hiiraan lawadaago dhulka Soomaaligalbeed ee gummeysiga kujira.
Dhinaca kale taliska ciidanka ATMIS ayaa warsaxaafadeed uu soo saaray ku xaqiijiyay in ciidamada xabashida laga saaray degmada Maxaas.
ATMIS waxay sheegtay in gacan ku heynta Maxaas lagu wareejiyay maleeshiyaadka dowladda Riddada, waxaana munaasabaddii lagu sagootiniyay ciidamada Itoobiya ku sugnaa saraakiil ka socotay ururka Q.Midoobay.
Ciidamada Itoobiya ayaa duullaan ku qabsaday degmada Maxaas bishii Maarso ee sanaddii 2014-kii, tallaabadan ayaa qeyb ka ah qorshaha uu ururka midowga Afrika ku dhimayo ciidamadiisa ku sugan Soomaaliya.
