Kooxda Riddada Somalia ee fadhigeedu yahay Muqdisho iyo maamulka ashahaada la dirirka ah ee fadhigiisu yahay magaalada Garoowe, ayaa markale hawada isu mariyay eedaymo kulul.
Wasiir ku xigeenka maaliyadda dowladda Riddada, Cabdighafaar Xasan Xaange, ayaa bartiisa gaarka ah ee Internetka ku daabacay qoraal uu ku sheegayo in maamulka Siciid Deni ay dowladdiisu ugu deeqday lacag ka badan lix milyan oo dollar.
Xaange ayaa qoraalkiisa ku sheegay in lacagahaasi uu Deni codsaday in si Kaash ah loogu soo shubo, isla markaana uu hor istaagay in uu ku fuliyo mashaariicdii loogu talagalay waa sida uu qoraalkiisa u dhigaye.
Dhankiisa maamul goboleedka ashahaada la dirirka ah ee Puntland ayaa si adag u beeniyay war kasoo yeeray kooxda Riddada Soomaaliya, oo ku saabsanaa in lacago malaayiin Dollar ah ay ka heleen dhanka maamulka Xasan Gurguurte ee fadhigiisu yahay Muqdisho.
Wasiirka warfaafinta maamulka Garoowe, Maxamuud Caydiid Dirir oo ka hadlay warka kasoo yeeray wasiir xigeenka maaliyadda kooxda Riddada, ayaa sheegay in warkaasi uu yahay mid waxba kama jiraan, ayna heleen lacago ay waydiisteen waxay ugu yeeraan bangiga Adduunka, si looga caawiyo kabka miisaaniyadeed.
Lacagahaasi ayuu sheegay inaysan ka imaan dhanka kooxda Riddada ah, wuxuuna kooxda Gurguurte ku eedeeyay inay xayirtay lacago badan oo malaayiin Doollar ah, kuwaasi oo la doonayay in mashaariic looga fuliyo deegaannada maamulkiisa, waa sida uu hadalka u dhigaye.
Khilaafka labadan maamul ayaa sii xoogeysanayay sannaddadii lasoo dhaafay, waxaana xusid mudan in khilaafka labadan maamul uu kasoo billowday markii uu kursiga ugu sarreeya dowladda Riddada dib ugu soo laabtay Xasan murtad, tan iyo xiliggaasna khilaafka uu marba marka ka dambeysa kasii darayay.
