Wararka ka imaanaya koonfurta Daanta-galbeed ee Falastiin ee ku hoos jira gumeysiga Yahuudda, ayaa sheegaya in askar Sahaayino ah lagu dilay weerar hubeysan oo Axadda maanta ah ka dhacay koonfurta Daanta.
Ugu yaraan 3 askari oo ka tirsan gumeystaha ayaa ku dhintay weerarkan oo ahaa mid toogasho ah, kaasi oo lagu beegsaday bar control oo ciidamada gumeystuhu kulahaayeen Tarquumiya oo ka tirsan galbeedka magaalada Al-khaliil ee koonfurta Daanta-galbeed.
Maamulka Sahaayinada, ayaa sheegay in ciidamada weerarka toogasho looga dilay ay laba ka mid ah ka tirsanaayeen booliiska halka midka saddexaad na uu ka mid ahaa ilaalada xuduudka, midka saddexaad ayay sheegeen in uu u dhintay dhaawac halis ah oo markii hore soo gaaray.
Ciidamada gumeystuhu waxay sheegeen inay gacanta ku dhigeen baabuurkii ay wateen raggaii ka dambeeyay weerarka isaga oo faaruq ah, waxayna intaas ku dareen in ragga weeraryahannada ah ay u suuragashay inay si fudud goobta kaga baxsadaan.
Toogashadan askarta looga dilay maamulka gumetstaha, ayaa kusoo beegmaya xilli maalintii 5-aad uu galay duullaanka maamulkaas ku qaaday deegaannada daanta-galbeed, waxaana si adag isaga caabinaya kooxaha wax iska caabinta ee reer Falastiin.
