Kooxda Ridada Somalia ayaa maanta saacado hakisay duulimaadyadii ka bixi jiray magaalada caasimadda ee Muqdisho ee aadi jiray dhanka deegaannada uu ka arrimiyo maamulka ashahaada la dirirka ah ee la magac baxay Koonfur-galbeed.
Subaxnimadii hore ee saaka ayaa lagu waabariistay in dowladda Riddada ah ay xayiraad saartay diyaaradaha ka baxa Muqdisho ee aada dhanka Baydhaba ee xaruunta u ah gobolka Baay, taasi oo lala xiriiriyay xiisadda u dhaxaysa maamullada Muqdisho iyo Baydhaba.
Sawirro iyo muuqaallo lagu faafiyay baraha bulshada ayaa muujinayay rakaab fara badan oo ku xanniban gudaha garoonka diyaaradaha caalamiga ah ee Muqdisho, kuwaas oo doonayay inay aadaan dhanka magaalada Baydhaba.
Qoraal uu soo saaray afhayeenka maamulka ashahaada la dirirka Koonfur-galbeed, oo lagu faafiyay baraha bulshada ayuu ku cambaareeyay xayiraada kooxda Riddadu saartay diyaaradaha saaka saacadaha badan ku xannibnaa garoonka Muqdisho.
Warar goor dambe soo baxay ayaa sheegay in kooxda Riddada ah dib u fasaxday duulimaadyada aada dhanka Baydhaba, balse waxaa lasoo wariyay in ay garoonka gaysay liiska siyaasiyiin iyo xildhibaanno ka tirsan murtadiinta, kuwaasoo loo diiday inay aadaan dhanka xarun goboleedka maamulkaasi, si ay uga qayb galaan kulan la sheegay in uu ku baaqay Laftagareen.
Arrimahan ayaa kusoo beegmaya xilli xiisadda u dhaxaysa labadan maamul ay cirka isku sii shareerayso, shalay uun ayay ahayd markii kooxda murtad Xasan Gurguurte ay garoonka dayuuradaha Muqdisho ku xayirtay sarkaal ciidan oo ka tirsan maamul goboleedka ashahaada la dirirka ee Laftagareen, kaas oo waan waan uu sameeyay murtad Aadan Madoobe dib loogu fasaxay duulimaadkiisa, waxaa sidoo kale kooxda Riddada ah lagu eedeeyay inay siyaasiyiin iyo xildhibaanno ka hor istaagtay inay ka degaan garoonka diyaaradaha macmalka ah ee Baraawe.
