Dawlada Maraykanka ayaa dishay Imam Khalifa Williams oo ahaa Sheekh Muslim ah, kaas oo dilkiisa uu ka dhashay buuq aad u weyn.Inta badan hay’adaha garsoorka Maraykanka iyo xitaa qoyskii ay ka dhalatay haweeneydii la dilay ayaa ka soo horjeestay xukunka dilka ah ee lagu xukumay Imam Khalifa Williams, balse maxkamada sare ee gobolka Missouri ayaa ku adkaysatay in Sheekha la dilo, xitaa hadii aanan wax cadaymo ah loo haynin eedeynta loo soo jeediyay.
Xalay ayaa sheekha la dilay isagoo lagu dhuftay cirbad sun ah ilaa ay naftu ka baxday. Sheekha ayaa markii xabsiga la dhigay sanadkii 1998 wuxuu ahaa nin gaal ah, balse xabsiga ayuu ku dhex-Islaamay, wuxuu magaciisa oo ahaa Marcellus Williams u badalay Khalifa Williams, wuxuuna noqday Sheekh caalim ah oo imaam u noqday dadka Muslimiinta ah ee xabsiga kula xirnaa.
Waxaa la aaminsanyahay in sababtaas ay tahay waxa dawlada Maraykanka ka caraysiiyay ee ay dilka ugu xukuntay uguna fulisay sheekha iyadoo aanan wax cadayn ah loo haynin dambiga lagu soo eedeeyay.
