Ku dhawaad 20 qof oo falastiiniyiin ah ayaa shahiiday, halka 40 kalena dhaawacyo kala duwan soo gaareen, kaddib markii ciidanka gumeystaha Yahuudda ay duqaymo ka gaysteen saddex guri oo kuyaal bartamaha marinka Gaza.
Maamulka cisbitaalka Al-Cowda ee kuyaal xerada Nuseyrat ayaa warsaxaafadeed uu soo saaray ku yiri: “ waxaa cisbitaalka lasoo gaarsiiyay 16 shuhado iyo 30 kale oo dhaawacyo qaba, ka dib duqeyn ay gumeystuhu la beegsadeen 2 guri oo ku yaalla waqooyiga xerada Nuseyrat”. Ayuu yiri maamulka Cisbitaalka.
Maamulka cisbitaalka ayaa intaas ku daray in dadka ku dhaawacmay duqeynta ay ahaayeen shaqaalaha caafimaadka iyo laba wariye oo dhacdooyin halkaas kasoo tabinayay.
