War rasmi ah oo kasoo baxay taliska ciidanka dowladda Saliibiyadda Mareykanka ee qaaradda Afrika ayaa lagu sheegay in mid kamida diyaaradahooda dagaalka ay ku dhinacday deegaan dhaca Koonfurta Soomaaliya.
Taliska Africom ayaa war qoraal ah oo uu soo saaray ku xaqiijiyay warar sheegayay in mid kamida diyaaradaha casriga mareykanka ay kusoo dhacday deegaan qiyaastii 85Km ujirta magaalada caasimadda ah ee Muqdisho,, Mareykanku wuxuu sheegay in diyaarad drone ah oo nuuceedu yayahay MQ-1C ay ku dhacday deegaan katirsan Shabeellaha hoose.
“Diyaarad nuuceedu yahay MQ-1C oo uu leeyahay ciidanka Mareykanka ayaa ku burburtay Koonfurta Soomaaliya saacaddu markii ay ku beegneed 12:40 duhurnimo taariikhdu markii ay aheyd 5 November welina waxaa socda baaritaannada ku aaddan waxa sababay in diyaaraddu soo dhacdo”ayaa lagu yiri warka kasoo baxay taliska AFRICOM.
Warbaahinta Mareykanka ayaa sheegtay in aan weli lagaran sababta diyaaraddo usoo dhacday in si iskeed ah ay usoo dhacday iyo inlasoo riday.
Diyaaradda MQ-1C ee Mareykanka ugasoo dhacday Shabeellaha hoose ayaa suuqyada ka joogta lacag ka badan 21.5 Bilyan oo dollar waxayna ku qiima dhowdahay diyaaradda MQ9 oo dhowr kamid ah bilihii lasoo dhaafay mareykanka loogasoo ridayay dalka Yemen.
Dowladda Mareykanka ayaa si toos ah iyo si dadban uga qeyb qaadanaysa duullaanka saliibiga ah ee lagusoo qaaday shacabka soomaaliyeed ee muslimka ah.
