Xeebaha magaalada Muqdisho ee caasimadda Somalia waxaa laba toddobaad ka hor lagu waayay koox kalluumeysato ah oo ka jillaabta biyaha badweynta Hindiya.
Dadkan ayaa lasoo wariyay in 21-ka bishii hore ay galeen xeebaha Liido iyo Curaba ee Muqdisho, kalluumeysatadaasi ayaa watay ilaa laba doonyood, kuwaas oo aan la ogayn halka ay jaan iyo cirib dhigeen.
Qof u hadlyay kalluumeysatada oo warbaahinta u waramay ayaa xaqiijiyay in dadkaasi oo ka koobnaa lix xubnood weli aan nolol iyo geeri midna lagu haynin, markii cidi ugu war dambeysay ayuu sheegay inay mar qura biyaha ka kala galeen xeebaha Curaba iyo Liido.
Wuxuu intaas ku daray in dadka biyaha badda lagu waayay ay yihiin dad dhalinyaro ah, isku dayo dhowr ah oo ay sameeyeen ayuu sheegay in aysan kasoo bixin wax natiijo ah.
