Waxaa sii karaar qaadanaya xiisadaha siyaasadeed ee u dhaxeeya kooxda Riddada Soomaaliya iyo maamul goboleedka ashahaada la dirirka ah ee la baxay Jubbaland, xilli maamulka Ridada ah ee Axmed Madoobe uu sare u qaaday dedaalladiisa taageero ee xabashidu ka doonayo.
Wararka aan ka helayno magaalada Kismaayo ee xarunta Jubbada hoose, ayaa xaqiijinaya in shalay dowladda xabashida Itoobiya magaaladaasi ka sameysay ilaa afar duulimaad, waxayna madaarka magaaladan ka dejisay diyaarad xamuul, taasi oo ilaa afar duulimaad sameysay.
Ilo wareedyo xog ogaal ah ayaa soo sheegay in tiro saddax jeer oo ka mid ah duulimaadyada ay diyaaraddaasi dejisay hub u badan rassaasta qoriga B10-ka, sidoo kale waxay geysay madaarka Kismaayo xabadaha Jiibka oo fara badan.
Idaacadda Al-andalus ayaa ogaatay in duulimaadka safaraad ay diyaaraddu keentay sedax sarkaal Itoobiyaan ah, kuwaas oo kulamo la leh madaxda maamul goboleedka ashahaada la dirirka ah ee Jubbaland.
Markii ay keentay wafdiga saraakiisha Itoobiyaanka ah waxaa diyaaradan horay usii raacay Maxamuud Sayid aadan oo ah madaxweyne ku xigeenka maamul goboleedka ashahaada la dirirka ah ee jubbaland, kaasi oo hadda ku sugan Addis Ababa.
Ilo wareedyo kale ayaa sheegaya in ninkan ay la socdaan wasiirka waxay ugu yeeraan macdanta iyo biyaha maamulka Riddada Jubbaland iyo nin kale oo ka mid ah gacanyareyaasha Axmed Madoobe, ujeedka ay Addis-ababa u tageen ayaa lagu sheegay xoojinta taageerada millatari ee ay xabashidu siinayso maamulka fadhigiisu yahay Kismaayo.
Wafdiga Saraakiisha ciidan iyo hubka dowladda xabashida Itoobiya kasoo dejisay magaalada Kismaayo iyo wafdiga maamulkaasi u diray magaalada Addis-ababa, ayaa kusoo beegmaya xilli kumannaan ciidamo ah dowladda Itoobiya kasoo gudbisay xuduudka u dhaxeeya gobolka Gedo iyo dhulka Soomaali-galbeed ee ku hoos jira gumeysiga nasaarada Itoobiya.
