Wararka ka imaanaya dalka Yeman ayaa sheegaya in ugu yaraan 9 qof ay ku dhinteen halka 3 kalena ku dhaawacmeen weeraro ay Yahuuddu la beegsatay dhismeyaal dhulka hoostiisa ah oo kuyaal caasimadda Sancaa iyo dekedaha magaalada Xudeyda.
Ilo wareedyo taabacsan warbaahinta maamulka Xuuthiyiinta ee Yeman ayaa sheegay in jugta qaraxyo waaweyn laga maqlay magaalada Sacnaa, kuwaas oo ka dhashay weerarada Yahuuddu ku beegsadeen xarumaha tamarta iyo sidoo kale xarumaha korontada ee Xaziz iyo Dhahbaan ee kuyaal koonfurta iyo waqooyiga Sanca.
Wararku waxay intaas ku darayaan in dekedaha Saliif iyo Xudeyda sidoo kale Yahuuddu ku beegsadeen ilaa siddeed weerar, sidoo kale ilaa 2 weerar ayaa lala eegtay goob shidaalka laga soo saaro oo lagu magacaabi Ra’s Ciise.
Afhayeenka ciidamada maamulka gumeystaha, yahuudiga lagu magaacabo Daniel Hagari oo weerarada ay ka gaysteen Yeman ka hadlayay ayaa sheegay in weerarada ay ku beegsadeen goobaha militariga ee Xuuthiyiinta Yeman iyo dekado iyo xarumo tamar oo uu sheegay inay Xuuthiyiintu kaga faa’idyetsaan teegeerada weeraradooda ka dhanka ah Tal’abiib.
Dhanka kale, bayaan kasoo baxay Xuuthiyiita ayaa lagu sheegay in ciidanka maamulkaasi fuliyeen ilaa laba weerar oo loo adeegsatay gantaallo Ballistic ah, waxay na sheegeen in bartilmaameedyada ay beegsadeen ay ku yaalaan mandiqadda Yafa ee Tal’abiib ee gumeysiga Yahuudda ku hoos jirta.
