Dagaallo culus oo u dhaxeeyay maleeshiyaadka kooxda Riddada Somalia iyo kuwa maamul goboleedka ashahaada la dirirka ee Jubbaland, ayaa maanta ka dhacay magaalada Doolow ee gobolka Gedo.
Dagaalka ayaa ahaa mid culus oo la isku adeegsaday hubka noocyadiisa kala duwan, maamulka Axmed Madoobe saraakiil u hadlay oo uu ka mid yahay wasiirka amniga waxay sheegeen in weerarka ay soo qaadeen maleeshiyada Xasan gurguurte.
Wasiirka amniga maamulka Axmed Madoobe murtad Yuusuf Dhuumaal, ayaa sheegay in maleeshiyada hay’adda ashahaada la dirirka sirdoonka Ridada ee Nisa ay weerareen wafdi ka kooban wasiiro xildhibaanno iyo guddoomiyaha cusub ee uu gobolkaasi u magacaabay Axmed Madoobe, kuwaas oo ka degayay garoonka diyaaradaha ee Doolow.
Ilo wareedyo kale ayaa sheegay in dagaalkii maanta ka dhacay Doolow ay ka qayb ka ahaayeen ciidanka Xabashida Itoobiya, kuwaas oo la safnaa dhanka maamulka ashahaada la dirirka ah ee Jubbaland, khasaare kala duwan ayaa lasoo wariyay in dhinacyadu kasoo gaareen dagaalladii maanta ka dhacay Doolow, magaaladana waxaa u haray maleeshiyada Axmed Madoobe.
Dhanka kale, maamulka murtad Axmed madoobe ayaa war uu soo saaray ku sheegay in maleeshiyo horay uga goostay maamulkiisa oo taabacsan kooxda Riddada Soomaaliya, isagoo adeegsanaya magaca kooxda Xassan Sheekh ay weerareen masuul ka tirsan maamulkiisa, weerarka ayay sheegeen in uu ka dhacay meel u dhow deegaanka Kulbiyow, ilaa shan askari oo istaaf u ahaa sarkaal la weeraray ayuu maamulkasi sheegay inay weerarka kaga dhinteen, halka kuwa kalena dhaawacmeen.
Maamulkan ayaa sidoo kale sheegay inay qabsadeen magaalada Kulbiyow oo ay ku sugnaayeen maleeshiyo ka tirsan kooxda Riddada, kuwaas oo ka gudbay dhanka xadbeenaadka Kenya.
