Xilli xiisadaha u dhaxeeya kooxda Ridada Soomaaliya iyo maamul goboleedka ashahaada la dirirka Jubbaland ay gaareen halkii ugu sarreeyay, ayay kooxda Riddadu maanta hakisay duulimaadyadii ka degi jiray magaalada Kismaayo.
Maamulka uu isku doortay hoggaankiisa Axmed Madoobe ayaa dhankiisa war uu soo saaray ku eedeeyay Xassan Gurguurte in uu joojiyay duulimaadyadii Kismaayo, tan iyo ilaa saakana ay halkaasi ku xayirnaayeen rakaab badan oo aadi lahaa dhanka magaalada Muqdisho.
Kooxda Riddada Soomaaliya ayaa dhankeeda sheegtay in maamulka Axmed Madoobe uu shalay afduub kula wareegay diyaarad rakaab ah, taasi oo uu ka dejiyay magaalada Doolow, falkaas oo ay sheegeen in uu keenay in ay hakad galaan duulimaadyadii tegi jiray Kismaayo.
Xiisadaha ka dhex aloosan labada dhinac, waa kooxda Riddada Muqdisho iyo maamulka ashahaada la dirirka ee Kismaayo ayaa saamayn wayn ku yeeshay duulimaadyada rayidka, labada dhinacba waxay si khasab ah kula wareegaan diyaaradaha rakaabka, una adeegsadaan arrimaha ay isku hayaan.
Dhanka kale, dowladda xabashida Itoobiya ayaa iska fogeysay inay qeyb ka ahayd dagaalkii shaley ka dhacay degmada Doolow ee gobalka Gedo, kaasi oo u dhaxeeyay maleeshiyada kooxda Riddada iyo kuwa maamulka la magac baxay Jubbaland.
Warka kasoo baxay Itoobiya ayaa sidoo kale lagu sheegay in ay jiraan gacmo saddexaad oo loo fasirtay inay ula jeedo dowladda Masar, taasi oo sheegtay inay doonayso khalkhal gelita xasilloonida bariga Africa, waa sida ay hadalka u dhigtaye.
Warkan ayaa kusoo beegmay xilli wafdi ka socda kooxda Riddada Soomaaliya ay Addis-ababa u joogaan dhaqangelinta heshiiskii xaaraanta ahaa ee Ankara ka dhacay, Cali Balcad oo ah wasiiru dowladaha arrimaha debadda Riddadana uu sheegay inay Itoobiya kala hadleen dhacdadii Doolow, una sheegtay inay ka garaabeen, sidoo kalena soo saari doonaan warsaxaafadeed, balse bayaanka kasoo baxay Itoobiya ayaa noqday inay beeniso eedaynta kooxda Riddada ee ku aaddan in dagaalkii Doolow ay qayb ka ahaayeen ciidanka Itoobiya.
