Ganacsatada xoolaha ee ka howlgala gobollada waqooyi ee Soomaaliya, ayaa qaylo dhaan ka muujiyay go’aan lagu curyaaminayo ganacsigooda, kaasi oo kasoo baxay murtad Xassan Gurguurte.
Ganacsatada oo warbaahinta kula hadlayay magaalooyinka Hargaysa Burco iyo Berbera, ayaa sheegay in Xassan murtad uu dhoofinta xoolaha u xiray oo uu kula heshiiyay shakhsi gaar ah oo aan Soomaali ahayn.
Waxay sheegeen in madaxa kooxda Riddada Soomaaliya uu siyaasadeeyay ganacsiga xoolaha, waxay sheegeen inaysan aqbali doonin heshiiska shakhsi gaar ah loogu xiray dhoofinta xoolaha.
Dhanka kale, maamulka ashahaada la dirirka ah ee Somaliland, ayaa war uu soo saaray ku sheegay in kooxda Riddada ee uu hoggaamiyo murtad Xassan Gurguurte ay carqaladeyn ku hayso dhoofka xoolaha ee deegaannada uu ka arrimiyo maamulkaasi.
“Baryahanba waxa socday dowladda Soomaaliya in ay carqalad ku hayso xoolaheenna, Xasan Sheekh wuxuu sameeyay in uu yidhaa nin Carab ah ayaan warqad siinayaa oo aan u xidhayaa xoolihii Berbera ka dhoofayay,” waxaa sidaas yiri wasiirka waxay ugu yeeraan xannaanada xoolaha ee maamul goboleedka ashahaada la dirirka Somaliland murtad Cumar Shucayb.
Qayla dhaanta ka timid ganacsatada gobollada waqooyi ee Soomaaliya, ayaa imaanaya xilli xassan murtad uu tan iyo markii xafiiska ugu sarreeya Riddada dib ugu soo laabtay kordheen falalka boobka hantida danta guud, tan gaarka loo leeyahay iyo shakhsiyaadka gaarka ah ee loo xirayo qorsheyaasha lagu dhacayo dadka Soomaaliyeed.
