Saraakiil Sar Sare Oo Lagu Dilay Qarax Iyo Kamiin Ka Dhacay Duleedka Warmaxan.

Wararka ka imaanaya degmada Afgooye ee gobalka Shabeelada hoose ayaa sheegaya in kolanyo gaadiid ah oo ay la socdeen saraakiil iyo maleeshiyaat ka tirsan dowlada Ridada federaalka oo ka baxay degmadaasi qarax iyo werar dhabba gal ah lagula beegsaday wadada isku xirta degmooyinka Wallanweyn iyo Afgooye ee gobalka Shabeelada hoose.

Qarax oo loo adeegsaday miinada dhulka lagu aaso ee meelaha fog laga hago ayaa haleeshay gaari Cabdi Bile kaasi oo gabi ahaan goobta ku burburay’iyadoona kamiin ka dhacay isla goobta lagu gubay gaari Labaad oo Cabdi Bile ah kuwaasi oo iyagoo gurmad ah kasoo baxay degmada Afgooye kuna sii jeeday deegaanka Warmaxan.

Idaacada Islaamiga ah ee Andalus ayaa baahisay in qaraxa iyo kamiinka lagu gubay gabi ahaan labada gaari ee Cabdi bilaha ah’waxaa sidoo kale qaraxa ku dhintay Sagaal isugu jirta saraakiil iyo askar ka tirsan dowlada federaalka.

Saraakiisha lagu dilay qaraxyadaasi oo gaaraya ilaa saddex sarkaal oo jagadooda ay kala tahay Gaashaanlle’Taliye Urur iyo Abaanduulle waxaa mid ka mid ah saraakiisha la dilay magaciisa lagu sheegay Baakaati.

Kolanyadan la qarxiyay ayaa gurmad u ahaa maleeshiyaat ka tirsan dowlada Ridada federaalka oo saqdii dhexe ee xalay ciidamada Shabaabul Mujaahidiin ku kala weerareen deegaanada Warmaxan’Tixsiille iyo Garas Mandiile oo dhamaantood wada hoostaga degmada Wallanweyn.

Dagaaladaasi ka kala dhacay saddexdaasi deegaan waxaa lagu kala dilay 10 askari’waxey sidoo kale ciidamada Shabaabul Mujaahidiin kusoo furteen labo gaari oo noocyada raaxada ah iyo saanad ciidan.

Calamada.com