Guddiga gurmadka abaaraha maamulka islaamiga Galguduud ee taabacsan Xarakada Al Shabaab ayaa boqolaal qoys u fidiyay gurmad isugu jira biya dhaamin iyo raashin qeybin.
Mas’uuliyiin katirsan guddiga gurmadka abaaraha ayaa warbaahinta u sheegay in 6 degmo iyo tobanaan tuulo ay ka qeybiyeen raashin.
Degmooyinka dadka taabalaysan loogu gurmaday waxaa kamid ah Ceeldheer,Wabxo,Ceelgaras,Galcad Xiindheere,Galhareeri iyo tuulooyin dhowr ah oo ay saameeyeen abaaraha.
Raashin ay kamid yihiin Sokor,Bariis,Bur iyo saliid ayaa degmada Wabxo loogu qeybiyay 250 qoys oo kamid ah dadka danyarta ah.
Tuulooyin ay kamid yihiin Xoolabadan,Garbaweyn, Maalin Nugur iyo Dab dheer ayaa sidoo kale gurmadka lagaarsiiyay.
Mas’uul katirsan wilaayada Islaamiga Galguduud ayaa ugu baaqay dadka hantida heysta in aysan waxba ka hagran walaalahooda ay saameynta ku yeesheen Abaaraha.
Bariga gobolka Galguduud wuxuu kamid yahay meelaha ugu roon oo ay abaartu ka jirto marka loo eego gobollada kale ee abaartu tobanaanka qof ku dishay.
Halkan ka dhageyso Guddiga gurmadka iyo dadka Gargaarka loo qeybiyay MP3
