Wararka ka imaanaya gobalka Gedo ee Konfur Galbeed dalka Soomaaliya waxey sheegayaan in saacadihii lasoo dhaafay sarkaal ka tirsan saraakiisha Itoobiyaanka ee horkacayo ciidamada Itoobiya ee duulaanka ku jooga gobalkaasi uu isku dal dalay qeybo ka mid ah gobalkaasi.
Sarkaalkan ayaa isku dilay gudaha degmada Garbahaarey ee xarunta gobalka Gedo’iyadoona warar dheeraad ah ay kasoo baxayaan sababta keentay inuu is dilo sarkaalkan Itoobiyaanka ah.
Warar hoose ayaa sheegaya in sarkaalkan is toogtay kadib markii taliyaha isaga ka sareeya uu ka diiday codsi uu u geystay kaasi oo ah in la siiyo fasax uu ku booqda waalidiintiisa ku sugan gudaha dalka Itoobiya.
Baqtiga sarkaalkan Itoobayaanka waxaa ka qaaday degmada Garbahaarey diyaarad Elecobtar ah taasi oo geysay degmada Baydhabo ee xarunta gobalka Baay.
Ma ahan markii ugu horeysay uu is dal dalo sarkaal ama askari Itoobiyaan ah oo qeyb ka ah kumanaanka Itoobiyaanka kusoo duulay qeybo ka mid ah dalka Soomaaliya.
Calamada.com
