Mujaahidiinta Ansaaru-Shareeca ee dalka Yemen ayaa baahiyey Filim la daawan karo ku dhawaad muddo 40 daqiiqo ah oo ay ku soo bandhigayaan qaar ka mid ah weerarada iyo dagaalada Mujaahidiinta ay ka fuliyeen gobolka Al-beydaa ee dhaca bartamaha dalka Yemen.
Gobolkan ayaa marti-geliya dagaalada iyo weerarada ugu xoogan ee lagu hortaagan yahay isbalaarinta Maleeshiyaatka Xuuthiyiinta, waxaana labadii sano ee u dambeysay uu ahaa fagaare dagaal oo ay isku hayaan Ahlu-Sunaha reer Yemen iyo maleeshiyaatka xuuthiyiinta ee raafidada ah.
Filimka waxaa ka soo muuqanaya hogaamiye-yaal ka tirsan Mujaahidiinta oo uu ka mid yahay Sheykh Khubeeb As-Sudan iyo Sheykh Khaalid Baadarfi.
Filimka wuxuu ku bilaabanayaa muuqaallo murugo badan oo muujinaya xasuuqa iyo gaboodfalada maleeshiyaatka xuuthiyiintu ay ka geysteen gobolada dalka Yemen, ka dibna wuxuu u gudbayaa jawaab celinta Mujaahidiinta.
Sheykh Khaalid Baadarfi ayaa ka waramaya in wilaayada Al-beydaa ay marti-gelisay mid ka mid ah dagaalada ugu balaaran ee lala galay Xuuthiyiinta, ayna dagaaladaas sidoo kale soo bandhigeen wada shaqeynta iyo xiriirka ka dhexeeya Mareykanka iyo xuuthiyiinta oo in muddo ah qarsoonaaa.
Filimka waxaa sidoo kale aad loogu amaanaya dowrka Ansaarta ay ku leeyihiin dagaalka ka socda Wilaayada Al-beydaa. Sheykh Khubeyb As-Sudani oo ka mid ah hogaamiyeyaasha Muhaajiriinta ah ee Mujaahidiinta Al-Qaacida ee dhulka Jaziirada carabta ayaa ka waramaya fadliga Ansaarta ay ku dhex leeyihiin Jihaadka iyo howsha ay u hayaan diinta.
Intaas ka dib wuxuu filimku u gudbayaa in uu soo bandhigo qeyb ka mid ah dagaalada adag ee wilaayada Al-beydaa ku dhexmaraya Mujaahidiinta ay Ansaartu horkacayaan iyo maleeshiyada Xuuthiyiinta, waxaana filimka lagu soo bandhigayaa dagaallo, qaraxyo iyo dilal qorsheysan oo lagu beegsanayo maleeshiyaatka xuuthiyiinta ah ee ku sugan Wilaayadaasi.
