Wararka laga helayo degmada Baydhabo ee xarunta gobalka Baay waxey sheegayaan in qarax culus lala beegsaday kolanyo ay la socdeen maleeshiyaatka maamulka gaala raaca Shariif Sakiin.
Qaraxa oo loo adeegsaday miinada dhulka lagu aaso ee meelaha fog laga hago ayaa la kacday gaari Cabdi bile ah oo ay la socdeen maleeshiyaatka Shariif Sakiin.
Dhawaaqa qaraxa waxaa si aad ah looga maqlay qeybo ka mid ah deegaanada dhaca duleedka degmada Baydhabo,iyadoona qaraxa si gaar ah kaga dhacay wadada isku xirta Baydhabo iyo deegaanka Goof-gaduud.
Goob-joogayaal ka agdhawaa goobta qaraxa waxey warbaahinta u xaqiijiyeen iney arkeen meydka hal askari iyo dhaawaca askari kale,burbur xoogan ayaa soo gaaray gaariga Cabdi bilaha ee miinada ay haleeshay.
Kolanyada la qarxiyay ayaa ka baxay Baydhabo kuwaasi oo ku sii jeeday dhanka deegaanka Goof-gaduud oo ka mid ah deegaanada dhaca duleedka degmadaasi.
Calamada.com
