Wararka ka imaanaya dalka Burkina Faso waxey sheegayaan in weerar xoog ku gal ah lagu qaaday goob ku taala magaalada caasimada ah Wagadugu.
Weerarkan oo ay fuliyeen rag hubeysan waxaa lagu qaaday goob Maqaaxi ah oo ay ku sugnaayeen saraakiil iyo isugu jirta caddaan iyo madow.
Maqaaxidan weerarkan lagu qaaday waxaa iska leh dad Turkiyaan ah,iyadoona faahfaahino dheeraad ah ay kasoo baxayaan weerarka.
Mid ka mid ah Kabalyeerida ka howlgala maqaayada ayaa warbaahinta u sheegay in saddex nin oo hubeysan oo la socday gaari ay soo galeen gudaha maqaaxida ayna toogasho ku bilaabeen saraakiil caddaan u badan oo ku shaahayay barxadda maqaaxida.
Wararka hordhaca ah ee laga helayo weerarkan waxey sheegayan in lagu dilay inka badan Toban iyo Todobo ruux tiro kalane lagu dhaawacay oo isugu jira saraakiishii caddaanka iyo kuwa madowga ee ku sugnaay gudaha maqaayada.
Saraakiil u hadlay dowlada Borkin Faso ayaa weerarkan ku eedeeyay iney fuliyeen rag ka tirsan Mujaahidiinta Al-qaacidah ee dhulka Magribul Islaam.
Sanadkii hore ayeey aheed markii weerar Mujaahidiinta Al-qaacidah ka fuliyeen hoteel ku yaala magaalada caasimada u ah dalka Borkina Faso ay ku dileen inka badan Soddon Ruux oo ay ku jiraan saraakiil reer Galbeed ah waxeyna weerarkaasi Mujaahidiinta Al-qaacdah ku dhaawaceen inka badan Todobaatan iyo Kow ruux oo isugu jirta saraakiil caddaan iyo madow ah.
Calamada.com
