Aroornimadii hore ee saaka waxaa qeybo ka mid ah degmada Dayniile ee magaalada Muqdisho ka qarxay iska hor,imaad xoogan oo u dhaxeeya maleeshiyaat ka wada tirsan dowlada Ridada.
Iska hor,imaadka ayaa yimid kadib markii maleeshiyaat ka tirsan Nabadsugida ay isku dayeen iney hub ka dhigis ku sameeyaan maleeshiyaat kale oo ka tirsan dowlada Farmaajo oo fariisin ku leh xaafada Haanta-dheer ee degmada Dayniile basle maleeshiyaatkaasi ayaa diiday iney hubka dhigaan.
Iska hor,imaadkan waxaa la isku adeegsanayaa hubka culus iyo midka fudud,waxaa inta badan xiran wadooyin muhiim ah sida qeybo badan oo ka mid ah wadada Warshadaha iyo wadooyinka isku xira degmooyinka Hodan iyo Dayniile.
Qaar ka mid ah dadka ku dhaqan xaafadaha ku dhaw dhaw goobta iska hor,imaadka ka socda ayaa warbaahinta qaar ee Muqdisho u xaqiijiyay in dadka deegaanka ay bilaabeen barkac xoogan waxeyna intaasi ku dareen iney jiraan dad shacab ah oo ku dhaawacmay rasaasta ay is weydaarsanayaan maleeshiyaatka wada dagaalamayo.
Sidoo kale waxaa jiro tiro askar ah oo ka tirsan maleeshiyaatka dowlada Ridada oo dhimasho iyo dhaawac ku noqday iska hor,imaadka waxeyna warar hoose sheegayaan in labada dhinac gurmad kala dalbadeen.
Muuse Malaay.
Calamada Online.
Mogadishu, Somalia.
