War rasmi ah oo kasoo baxay golaha wasiirrada Xukuumadda Tuunis ayaa lagu sheegay in lasoo saaray qaanuun cusub oo Hablaha muslimaadka ah u ogolaanaya in ay guursadaan ragga ay doonaan iyadoo aan loo fiirinayn diin iyo dhaqan.
Tani waxay ka dhigantahay in gabadha muslimadda ah ay la noolaan karto Nin Kirishtan ah ama Nin Yahuudi ah xataa ay guursan karto Buudhi ama Hinduus Mushrik ah tallaabadan oo banaanka soo dhigaysa heerka ay gaarsiisantahay dabadhilifnimada dowladda kajirta wadanka Tunesia.
“Waxaa si dhameystiran loo laalay dhammaan qawaaniintii soo baxday sanaddii 1973 oo diidaysay in haweenayda Muslimadda ah ay guursato nin aan muslim aheyn, hadda muwaadinadda Tuunisiyadda ah waxay guursan kartaa Ninka ay doonto iyadoo aan diin loo eegayn” ayaa lagu yiri warka kasoo baxay xukuumadda.
Hay’adda Fataawada Dowladda Calmaaniyadda Tuunis ayaa war ay soo saartay ku taageertay go’aanka xukuumadda waxayna tiri “iyadoo sare loo qaadayo haybadda dowladnimo ee Qaranka Tuunis iyo booska dumarku ku leeyihiin Bulshada ayaa la go’aamiyay in ragga iyo dumarka lasimo oo xuriyado isku mid ah lasiiyo” ayaa lagu yiri warsaxaafadeed kasoo baxay hay’adda fataawada Tuunis.
Laakin warka hay’adda fataawada kasoo baxay ma ahayn mid diini ah ee wuxuu umuuqday mid kasoo baxay Q.Midoobe iyo hay’adaha sheegta xuquuqul insaanka.
Madaxweynaha Calmaaniga Tuunis Qaa’id Baaji Sabsi ayaa wareegto uu soo saaray 13,Augst,2017 wuxuu ku baneeyay in Gabadha muslimadda ah ay guursan karto Nin Kirishtaan ama Buudi ah arrinkaas oo ay ka qeylla dhaamiyeen culimaa’udiinka wadankaas.
“anigoo gudanaya waajibka dastuuriga ah ee Qaranka Tuunis ayaan tuuray qaanuunka Gabdhaha muslimaadka ah udiidayay in ay guursadaan Nin aan Muslim aheyn” sidaas waxaa yiri madaxweynaha.
Wasiir hore uga tirsanaa dowlada Tuunis ayaa tallaabadan ku tilmaamay mid ihaano ku ah gabdhaha muslimaadka wadankaas islamarkaana loo baahanyahay in laga horgato wuxuu sheegay in macalimiin wax ka dhiga jaamacadaha islaamiga ah iyo culimaa’udiin ay diideen balse aysan xukuumaddu dheg jalaq usiin oo sii wadda soo saaridda qawaaniinta ka dhanka ah shareecada Islaamka.
Qaanuun horay ay usoo saartay dowladda ayay ku xalaaleysay cabidda ka ganacsiga Khamriga iyadoona dowladda Tuunis ay shati siisay shirkadaha waaweyn ee maalgeliyay dalxiiska in ay Khamri wadanka soo gelin karaan kuna dhax iibin karaan.
Sidaas oo ay tahay dowladda waxaa sanaddii 2-aad u xiran in kabadan 200 oo Masaajid kuwaas oo lagu tuhmay in ay soo saaraan dagaalyahanno mujaahidiin ah, waa dowlad dhan walba kala dagaallamaysa islaamka iyo muslimiinta waxayna tallaabooyinka ku raalli gelinaysaa Faransiiska iyo xulufadiisa.
Nusuustan Hoose ayuu allaah Subaxaanahu watacaalaa ku caddeeyay in haweenayda muslimadda ah aysan guursan Karin Nin gaal ah.
فقد أجمع علماء الأمة على تحريم زواج المسلمة من غير المسلم مهما كانت ديانته، وذلك لقوله تعالى:وَلَا تُنْكِحُوا الْمُشْرِكِينَ حَتَّى يُؤْمِنُوا وَلَعَبْدٌ مُؤْمِنٌ خَيْرٌ مِنْ مُشْرِكٍ وَلَوْ أَعْجَبَكُمْ أُولَئِكَ يَدْعُونَ إِلَى النَّارِ وَاللَّهُ يَدْعُو إِلَى الْجَنَّةِ وَالْمَغْفِرَةِ بِإِذْنِهِ وَيُبَيِّنُ آَيَاتِهِ لِلنَّاسِ لَعَلَّهُمْ يَتَذَكَّرُونَ{البقرة: 221} ولقوله تعالى:فَإِنْ عَلِمْتُمُوهُنَّ مُؤْمِنَاتٍ فَلَا تَرْجِعُوهُنَّ إِلَى الْكُفَّارِ لَا هُنَّ حِلٌّ لَهُمْ وَلَا هُمْ يَحِلُّونَ لَهُنَّ{الممتحنة: 10}
