Wararka ka imaanaya wadanka Ivory Coast ee dhaca galbeedka qaarada Africa ayaa tilmaamaya in ay burburtay diyaarad yar oo uu leeyahay ciidanka Faransiiska xilli ay ku dulmareysay xeebaha dalkaasi, iyadoona lagu soo waramayo in qasaare kala duwan uu ka dhashay burburka diyaaradaasi.
Saraakiisha dowladda Ivory Coast ayaa sheegay in diyaaradda ay ka soo ambabaxday magaalada Waagaduuguu ee caasimadda Burkina Faso, Islamarkaana ay damacsaneyd in ay u soo degto garoonka diyaaradaha ee magaalada Abidjan ee caasimada wadanka Ivory Coast.
Diyaaradda ayaa ku soo dhacday meel u dhow xeebta magaalada Abidjan gaar ahaan meel u dhow garoonka diyaaradaha sida ay xaqiijiyeen goobjoogeyaal iyo Saraakiisha xukuumada, Waxaana la sheegay in halkaas ay ku dhimasho iyo dhaawac ku noqdeen dhamaan dadkii saarnaa diyaaradda.
Sarkaal u hadlay kooxaha dab damiska ah ayaa sheegay in afar ruux ay ku dhinteen shilka, kuna dhaawacmeen ilaa ruux oo kale . “Diyaaradda waxaa saarnaa ugu yaraan 10 ruux. Afar ka mid ah wey dhinteen, lix kalena wey dhaawacmeen” sidaas waxaa yiri sarkaal u hadlay kooxaha dab damiska laakiin ma uusan sheegin haddii dadkaas ay ahaayeen Askar iyo haddii ay ahaayeen dad caadi ah.
Laakiin Saraakiil diiday in magacyadooda la sheegay oo ka tirsan dowlada Ivory Coast ayaa sheegay in diyaaradu ay la socdeen ciidamo ka tirsan xukuumada Saliibiyadda ah ee Faransiiska, ayna sidoo kale la socdeen dhowr muwaadin oo Faransiis ah.
Ilo wareedyo ka tirsan military Faransiiska ayaa wakaaladda wararka AFP u sheegay in diyaaradu ahayd mid ay leeyihiin ciidamada Faransiiska ee duullaanka ku jooga dalka Maali, Islamarkaana ay la socdeen ciidamo ka qeyb qaadanayey duullaanka shareeca la dirirka ah ee Faransiiska uu wado wadanka Faransiiska.
Taliska ugu weyn ee laga hago howlgalka ka dhanka ah Mujaahidiinta Mali waxa uu ku yaalla dalka Chad Laakiin sidoo kalena Faransiiska ayaa saldhigyo Military oo lagala socda duullaankaas ku leh wadamada Ivory Coast iyo Burkina Faso, Iyadoona sidoo kale ciidamada labadaas dowladood ay ku lug leeyihiin duullaanka Faransiiska ee Maali.
