Wadanka Kenya waxaa looga dhawaaqay natiijada kasoo baxday doorashooyinkii madaxtinimada halka dhinac ah oo isbuucii lasoo dhaafay ka dhacay qeybo katirsan wadankaasi.
Guddiga doorashada ee Kenya ayaa ku dhawaaqay in Uhuru Kenyatta la doortay ka dib doorashadii ku celiska ahayd ee dhacday 26-kii bishan.
Uhuru Kenyatta ayaa helay 98.26 boqolkiiba codadkii la dhiibtay, halka hogaamiyaha mucaaradka ee loolanka adag ku hayay uu helay 0.09 boqolkiiba. Laakiin Raila wuu qaadacay doorashada kamana qeybgalin.
Guddoomiyaha guddiga doorashada Wafula Chabukati ayaa codsaday in aysan rabshado dhicin, qof kastana uu ka qeybgalo amniga iyo kala dambaynta.
Kooxaha Mucaaradka ah ee uu hoggaamiyo Railla Odinga ayaa horay u sheegay in ay qaadaceen natiijada kasoo baxda doorashooyinka halka dhinac ah ee ka dhacay gobollo kooban oo katirsan wadanka Kenya, Boqolaal kun oo taageersan kooxaha mucaaradka ah ayaa taagan fagaarayaasha waaweyn ee magaalada Kasumo ee galbeedka dhacda.
Guddiga doorashooyinka IEBC ayaa ugu baaqay muwaadiniinta Kenyaatiga ah in ay ka fogaadaan Rabshado dhiig ku daato waxayna sheegeen in markii 2-aad uu ku guuleystay doorashooyinkii dhacay October iyo Augst 2017.
Siyaasiyiin Kenyaan ah ayaa warbaahinta u sheegay in wixii dhacay khamiistii lasoo dhaafay ay meel uga dhaceen wax ay ugu yeereen dimuquraadiyadda Kenya kadib markii doorasho lagu sheegay cod bixin ay sameynayeen taageerayasha Xisbiga madaxweynaha islamarkaana aanay jirin cid saameyn leh oo latartanta Uhuru Kenyatta.
Wadnaha ayaa farta lagu hayaa dhammaan magaalooyinka Kenya waxaana laga cabsi qabaa in rabshado lamid ah kuwii dhacay sanaddii 2007 ay gordda lagasho Kenya oo dadkeedu si aad ah ugu kala qeybsanyihiin doorashooyinkii dhacay.
