Wararka ka imaanaya magaalada Gazza ee dhulka Muslimiinta Falistiin waxey sheegayaan in diyaaradaha Cadowga Yahuuda Sahyuuniyada ah ay duqeeyeen qeybo ka mid ah magaaladaasi.
Diyaaradaha Yahuuda noocyada loo yaqaano F-16 ayaa si arxan daro ah u duqeeyay deegaano ka tirsan Jiida Gaza gaar ahaan dhanka Konfureed ee magaaladaasi.
Warbaahinda gudaha Falistiin ayaa xaqiijiyay in duqeyntaas ay ku dhaawacmeen Saddex ruux oo Muslimiinta Falistiin ah kuwaasi oo dhaawacyadooda loo qaaday goobaha caafimaadka.
Sidoo kale diyaaradaha Yahuuda ayaa dhowr Gantaal ku dhuftay xaafado ku yaala dhanka Bari ee Jiida Gaza,iyadoona inta badan hawada sare ee Magaalada Gazza ay is qabsatay Uura Madow oo ah duqeynta diyaaradaha Yahuuda.
Sarkaal u hadlay maamulka Yahuuda ee xoooga ku heysta Dhulka Muslimiinta Reer Falistiin ayaa marmarsiyo ka dhigtay iney duqeeyeen Afar goobood oo xarumo ciidan u ah Xarakada Xamaas iyo Jamaacada A-jihaadul Islaami.
Calamada.com
