Wararka ka imaanaya duleedka magaalada Boosaaso ee xarunta Gobolka Bari ee dhaca Waqooyi Bari dalka Soomaaliya ayaa sheegaya in weerar khasaara badan dhaliyay lagu qaaday maleeshiyaat katirsan maamulka gaala raaca ‘Puntland’.
Khasaara lixaad leh oo dhimasho iyo dhaawac ah ayaa la sheegay in uu ka dhashay qarax xooggan oo ciidamo katirsan ‘Puntland’ lagula eegtay duleedka magaalada Boosaaso.
Ilo wareedyo ayaa xaqiijinaya in qarax Miino lala helay gaari Cabdi Bile ah oo ku socdaalayay wadada xiriirisa magaalada Boosaaso iyo deegaanka Galgala.
Goob Joogayaal ayaa sheegay in dhammaan ciidamadii gaariga saarnaa ay noqdeen dhimasho iyo dhaawac, wararka ayaa intaasi ku daraya in gebi ahaanba uu burburay gaariga qaraxa lala eegtay.
Jugta qaraxa ayaa laga maqlay deegaanka Galgala iyo duleedka magaalada Boosaaso, waa weerarkii 2-aad oo 24 saacadood gudahood uu lakulmo maamulka ‘Puntland’, shalay ayay aheyd markii laba askari oo boolis ah lagu toogtay Bartamaha magaalada Boosaaso.
Mas’uuliyadda qaraxan ka dhacay duleedka magaalada Boosaaso ee lagu burburiyay gaari Cabdi Bile ah ayna ku halaagsameen guud maleeshiyaatkii maamulka Puntland ee la socday gaarigaasi waxaa sheegtay Xarakada Shabaabul Mujaahidiin oo muddooyinkii dambe sii kordhisay weerarada ka dhanka ah maamulka Puntland.
Calamada.com
Qawsaaro wee yaan kufriga qaayiboo jecele
Mar haday qawano wada yihiin diinta qaadacaya
Ayagiyo qawaajaha watiyo qolada gaaloo dhan
Qudhoo laga jariyo waxay muteen qawrac laasimine
Qarax iyo kamiin miino iyo qawda uga sii dheheen
Qabaanada nihaasada ahee quuray sharaf teena
Qamaan iyo waxaan tolan ahayn qiil umay lahane
Qurba joog soo foof tak tee qarashka goo baysa
Qeeriin ka xabash kuu Gurey qasab ku siinaayey
Qiiqana ka quustee baqee qurunka ruugayey
Qaranimo ku waa ugu fadhiya quuste oo lune,e
Qurgooyiyo dil wee yaan waxay tahay qisaas toode
Qaanfuuradaa baadidaa qawda uga saara
Qaloo laaya qaanuun kalayn qaayibayn abide