Ciidamada Xarakada Shabaabul Mujaahidiin qeybta ka dagaalanta gudaha magaalada Muqdisho waxey weerar qorsheysan ku qaadeen Fariisin maleeshiyaatka Nabadsugida ay ka sameysteen gudaha magaalada Muqdisho.
Fariisinka la weeraray waxey maleeshiyaatka dowlada Ridada ka sameysteen xaafada Suuqa Xoolaha ee degmada Hurwaa waxaa goobta ka dhacay dagaal la isku adeegsaday hubka culus iyo midka fudud,iyadoona dhawaaqa rasaasta dagaalka si aad ah looga maqlayay xaafado ka tirsan degmada Hurwaa iyo qaar ka mid ah degmooyinka Dariska la ah.
Dagaalka oo xilli habeen ah dhacay si rasmi ah looma xaqiijin tirada maleeshiyaatka dowlada dhimashada iyo dhaawaca kaga noqotay,waxeyna dadka xaafada xaqiijiyeen in dagaalka uu ahaa mid xoogan.
Dhanka kale ciidamo Ka Tirsan Shabaabul Mujaahidiin waxey saaka aroortii qeybo ka mid ah degmada Waabari ee magaalada Muqdisho ku dileen sarkaal magaciisa lagu soo gaabiyay Nuuraani oo ahaa gudoomiye Waaxeed ka tirsan maamulka degmada Xamar Jajab oo ah degmo daris la ah degmada uu dilka ka dhacay.
Muuse Malaay.
Calamada Online.
Mogadisho, Somalia.
