Bulshada ku dhaqan deegaanka Jawiil ee gobalka Hiiraan ayaa muddooyinkii dambe yeelanayay Kulamo xiriir ah oo ay kaga hadlayaan dhibaatooyinka ay ku qabaan Isbaarada dowlada Xabashida Itoobiya ay dhigatay deegaanka Kalabeyrka ee duleedka magaalada Beledweyne.
Dadka deegaanka ayaa Saddex Maalin ka hor ku guuleystay in gabi ahaan xoog ku qaadaan isbaaradii Kufaarta Xabashida Itoobiya iyo kuwa Murtadiinta u tiilay deegaanka Kalabeyrka taasi oo aheed isbaaradii ugu weyneed dalka Somalia.
Muddo Saddex maalin oo xiriir ah ma jirta wax isbaaro ah oo taala deegaanka Kalabeyrka oo iyadu aheed isbaaro caan ku aheed dhibaatooyinka dadka iyo gaadiidka Safarka ah.
Ciidamo ka tirsan kuwa Xabashida Itoobiya oo soo gaaray deegaanka ayaa amar ku bixiyay in dib loo soo celiyo Isbaarada balse arintaasi waxaa is hor istaag ku sameeyay bulshada deegaanka Jawiil oo gabi ahaan ka diiday askarta Xabashida Itoobiya in isbaaradaasi dib loo soo celiyo.
Tilaabadan guuleysatay ee ay ku dhaqaaqeen bulshada ku dhaqan deegaanka Jawiil ayaa kusoo aadeysa xilli dhawaan bulshada ku dhaqan degmada Beledxaawo ee gobalka Gedo ay is hor’istaag ku sameeyeen Boob dhanka dhulka ah oo askarta Saliibiyadda Kenya ay ka wadeen gudaha degmadaasi.
Calamada.com
