Saacadihii lasoo dhaafay waxey ciidamada Shabaabul Mujaahidiin tiro Madaafiic ah ku garaaceen saldhiga ciidamada Saliibiyiinta Kenya ay ka sameysteen deegaanka Husingow ee gobalka Jubbada hoose.
Jugta Madaafiicda ayaa si aad ah looga maqlayay deegaano ka tirsan gobalka,waxeyna dadka deegaanka Husingow xaqiijiyeen in Madaafiicda ay ku dhaceen gudaha saldhiga taasi oo muujineysa iney jirto khasaara nafeet iyo mid hantiyadeed oo ciidamada Kenya kasoo gaartay duqeyntaasi.
Madaafiicda lagu garaacay saldhiga ciidamada Saliibiyadda Kenya ee deegaanka Husingow ayaa noqonaya weerarkii Saddex-aad oo muddo Afar iyo Labaatan Saac gudahood ah ka dhaca gobalka Jubbada hoose,iyadoona Labo weerar oo lala beegsaday kolanyo isugu jirta American,Kenyaati iyo kuwa maamulka daba dhilifka Axmed Madoobe ay ka dhaceen duleedka magaalada Kismaayo.
Gobalka Jubbada Hoose oo ka mid ah gobalada dhaca Konfurta dalka Somalia waxaa deegaano iyo degmooyin ka tirsan gobalkaasi duulaan ku jooga ciidamada Saliibiyadda Kenya,Xabashda Itoobiya iyo Ciidamada Saliibiyadda Mareykanka oo ku sugan garoonka diyaaradaha Kismaayo.
Calamada.com
