Gabood fallo hor leh ayaa lagasoo sheegayaa xabsiyada magaalada Muqdisho oo ay ku xiranyihiin kumanaan qof oo ku eedeysan dambiyo kala duwan.
Wararka laga helayo Xabsiga dhexe ee Xamar ayaa sheegaya in saraakiisha ciidamada asluubta ay si naxariis darra ah udileen mid kamida maxaabiista xabsiga ku xiran.
Ilo wareedyo ayaa sheegaya in taliye ku xigeenka Xabsiga dhexe uu dilay Maxabuus magaciisa lagusoo gaabiyay Xasan Kaafi kaasi oo kamid ahaa dhalinyarada ku eedeysan in ay katirsanyihiin Xarakada Al Shabaab.
Maxbuuska dhintay ayuu taliye ku xigeenku amray in lagu xiro Konteenar qafilan oo aan laheyn meel lagu hawadu kasoo gasho taas ayaana keentay in Maxbuusku uu u dhinto kuleyl dartiis.
Eehellada Xasan Kaafi ayaa diiday in ay qaataan lacago laaluush ah oo ay usoo bandhigeen saraakiisha caafimaadka ayna warbaahinta u shaacin waxa wiilkooda ku dhacay.
Xadgudubyo ay kamid yihiin jirdil joogta ah iyo raashin yari ayaa lagasoo sheegayaa xabsiyada ay gacanta ku heyso dowladda Federaalka, dad booqday Xabsiyada waxay sheegeen in maxaabiistu ay ka sheeganayaan nafaqa darro iyo caafimaad darro.
Falkan lagu dilay Maxbuuska Xasan Kaafi ayaa ka caraysiiyay maxaabiista kale, horayna uma dhicin in qof nool lagu xiro Konteenar kadibna uu udhinto kuleyl dartiis.
