Wararka ka imaanaya gobolka Bari ee waqooyi Bari Soomaaliya ayaa sheegaya in doon ganacsi ay ku degtay meel ku dhow dekadda caalamiga magaalada Boosaaso.
Doontan oo isbuucii hore kasoo shiraacatay magaalada Dubai ee wadanka isku tagga imaaraatka Carabta ayaa ku degtay xeebaha magaalada Boosaaso.
Axmed Max’med Cumar oo ah ganacsadaha ay doontu u rarantahay ayaa warbaahinta u sheegay in doonta degtay ay sidday afartameeyo gawaari ah, shidaal iyo qalabka lagu dayactiro gaadiidka.
Wuxuu sheegay in shirkadda dowladda UAE ee gacanta ku heyso dekadda Boosaaso ay qeyb ku laheyd in doonto degto kadib markii ay diideen in doontu kusoo xirato dekadda Boosaaso.
1,700 oo tan ayaa saaran Doonta degtay waxaana kamid ahaa 41 baabuur, wararka ayaa intaas ku daraya in dabeyllo aad uxooggan ay doonta badda kusii riixeen.
Shaqaalaha dekadda magaalada Boosaaso wax gurmad ah umasameyn Doontan, khasaaraha hantiyadeed ee ka dhashay doonta kusoo caarisay Marsada Caalamiga Boosaaso ayaa lagu eedeynayaa in ay mas’uul ka tahay shirkadda DPW taas oo sanaddii lasoo dhaafay lagu wareejiyay maamulidda Marsada Caalamiga Boosaaso
