Wararka ka imaanaya dalka Maali waxey sheegayaan in qeybo ka mid ah dalkaasi uu ka dhacay weerar khasaara culus lagu gaarsiiyay ciidamada Saliibiyiinta Fransiiska ee duulaanka ku jooga dalkaasi.
Weerarkan oo loo adeegsaday Madaafiic waxaa lagu qaaday saldhig ciidamada Fransiiska ay ka sameysteen magaalada Keydaal ee dhanka Waqooyi dalka Maali taasi oo faahfaahin laga helayo khasaaraha ka dhashay.
Madaafiicda ayaa ku dhacay gudaha saldhiga waxeyna sababtay khasaara nafeet iyo mid hantiyadeed oo soo gaartay ciidamada Saliibiyiinta Fransiiska iyo kuwa maamulka daba dhilifka Maali ee askarta Faransiiska kula sugan gudaha saldhigaasi.
Saraakiil u hadashay ciidamada Fransiiska ee duulaanka ku joogta dalka Maali ayaa qirtay in duqeyntaasi ay kaga dhaawacmeen Shan askari balse warar hoose waxey sheegayaan in khasaaraha uu intaasi ka badan yahay.
Duqeyntaan ayaa kusoo aaday xilli saraakiisha Fransiiska iyo kuwa maamulka Ridada Maali ee ku sugan magaalada Keydaal ay isku diyaarinayeen soo dhaweynta R/wasaaraha dowlada Maali oo lagu wado inuu booqasho ku tago magaaladaasi.
Mas’uuliyadda weerarkan duqeynta ah ee khasaaraha lagu gaarsiiyay ciidamada Saliibiyiinta Fransiiska waxaa sheegtay Mujaahidiinta Jamaacada U Gargaaridda Islaamka iyo Muslimiinta oo ah Mujaahidiin taabacsan Mujaahidiinta Al-qaacidah ee dhulka Bilaadul Magribil Islam.
Calamada.com
