Wargeyska the Guardian ee laga leeyahay dalka Ingiriiska ayaa cadadkii uu shaley soo daabacay ku sheegay in tobanaan ka tirsan ciidamada dowlada Uganda lagu dilay weeraradii abaabulnaa ee Axadii la soo dhaafay ay mujaahidiintu ku qaadeen saldhiyada Kuffaarta Afrikaanta ee wilaayada Sh/hoose
Saraakiil ku sugan degmada Buula-Mareer ayaa wargeyska u sheegay in ugu yaraan 46 ka mid ah askarta dowlada Uganda lagu dilay weerarkii ballaarnaa ee lagu qaaday saldhigga degmada Buula-Mareer.
Dowladda Uganda ayaa dhankeeda xaqiijisay in la weeraray saldhigyada ciidankooda ee Golweyn iyo Buula-Mareer balse waxay sheegtay in afar askari oo kaliya looga dilay weerarka, lagana dhaawacay lix kale laakiin wargeysku wuxuu tibaaxayaa in khasaaraha soo gaaray ciidamada Uganda uu ka badan yahay midka ay qirteen.
Isagoo soo xiganaya goobjoogeyaal iyo saraakiil ku sugan deegaanka ayuu tilmaamay in ciidamada Mujaahidiinta ay Camaliyaad Istish-haadi ah ku daahfureen weerarka, kadibna ciidamo hubeysan ay u daateen xerada. Sidoo kale wuxuu xusay in ciidamada Mujaahidiinta ay Camaliyad Istish-haadi ah oo ka hortag ah la beegsadeen ciidamo ku sugnaa Golweyn oo la filayey in ay u soo gurmadaan saaxiibadooda.
“Waxay ahayd xilli saacadu ku beegneyd 09:00am markii qaraxa ugu horeeyey lala helay saldhigga, wuxuuna ahaa gaari xamuul ah oo laga soo buuxiyey walxaha qarxa, kadibna dagaal xooggan ayaa ka qarxay goobta” ayuu yiri Cali Maxamed oo ah qof Beeraley oo Telephone-ka ugu waramay wargeyska.
Isagoo hadalkiisa sii wata ayuu yiri ” Waxaan arkay uuro fara badan oo ka soo baxeysa gudaha saldhigga” Wuxuu tilmaamay in daqiiqado ka dib la maqlay jugta qaraxii labaad oo lala eegtay ciidamo ku sugnaa Golweyn kuwaas oo gurmad u soo sameyn lahaa saaxiibadooda weerarku ku qabsaday Buula-Mareer.
Abdi Nuur Xaashi oo ah Korneel ka tirsan maleeshiyaatka Dowladda Federaalka oo farriisin ku leh meel u dhow saldhigga ciidamada Uganda ayaa sidoo kale Wargeyska the Guardian u sheegay in weeraradaas lagu dilay ugu yaraan 46 ka mid ah ciidamada AMISOM ee ka soo jeeda dalka Uganda.
“Inta badan askarta la laayey waxay ahaayeen saaxiibadeena, si wadajir ah ayaan u wada qeybsan jirnay cuntada iyo cabitaanka marka aan joogno xeradooda” sidaas waxaa Guardian u sheegay Abdi Nuur oo ah Korneel ka tirsan maleeshiyaatka Soomaalida ee la howlgala ciidamada Uganda “Waan isku daynay inaan caawino saaxiibadeena Uganda laakiin waxaa sidoo kale jiray weerar lagu soo qaaday saldhigeena” ayuu hadalkiisa sii raaciyey.
Sarkaalkan ayaa sidoo kale sheegay in qaar badan oo ka mid ah ciidamada Uganda ay u dhinteen dhaawacyadii soo gaaray ka dib markii lagu guuldareystay in durbaba dhaawacyadooda loo daabulo Muqdisho ama uu soo gaaro gargaar caafimaad oo degdeg ah, Wuxuuna arintaas sabab uga dhigay in ciidamada mujaahidiinta ay xireen dhamaan wadooyinkii soo galayey saldhigga.
Cabdi Fataax Xaaji Cabdulle oo ah gudoomiye ku xigeenka Dowladda Federaalka ugu magacaaban Sh/hoose ayaa isna wargeyska Ingiriiska laga leeyahay ee The Guardian u sheegay in ciidamada mujaahidiinta ay weerareen ugu yaraan afar saldhig oo kale oo ciidamadoodu ay ku leeyihiin hareeraha degmada Buula-Mareer. “Khasaaruhu wuu ka badnaan karaa inta aan anaga ku qiimeynay, kuwani waxay ahaayeen weeraro abaabulan oo isku xiran” ayuu yiri.
Wargeyska ayaa warbixintiisa ku soo gabagabeeyey in weeraradan ay sii kordhinayaan walaaca iyo cabsida waxa loogu yeero beesha caalamka ay ka qabto aayaha dambe ee DF-ka haddii ciidamada AMISOM oo qudhooda waayadii dambe u nuglaaday weerarada Mujaahidiinta- ay ka baxaan wadanka sida qorshuhu yahay, iyo in bixitaanka ciidamada shisheeye ay soo dadajin doonto burburka maamulada taagta daran ee gaaladu ka dhistay qeybo ka mid ah Soomaaliya.
Warbixinta wargeyskan uu ku xaqiijiyey in 46 askari dowladda Uganda looga dilay weeraradii Axaddii la soo dhaafay ka dhacay Golweyn iyo Buula-mareer ayaa ku soo aadeysa xilli dowladda Uganda ay sheegtay in afar askari oo kaliya looga dilay weeraradaasi, balse taliska Mujaahidiinta ayaa horay u sheegay in weeraradaas lagu dilay ugu yaraan 59 askari oo ka tirsan ciidamada Kuffaarta Afrikaanta.
