Wararka Ka imaanaya wadanka Jazair ayaa sheegaya in diyaar ciidan oo nooca xamuulka ah ku burburtay meel ku dhow magaala madaxda wadankaasi ee Al-Jazair.
Diyaaradan oo siday ku dhawaad 300 oo xubnood oo katirsan saraakiisha iyo askarta xukuumada ayaa burburtay daqiiqada yar kadib markii ay ka duushay Garoonka Ciidanka BOOFAARIIK ee dhaca duleedka Caasimada Jazair.
Warar la helayo ayaa sheegaya in dhimashado kor u dhaaftay 247 ruux oo isugu jira saraakiil ciidan iyo askar, waxaana jira dhaawacyo fara badan oo shilka ka dhashay.
Dadka ku dhintay Shilkaan diyaaradeed ayaa waxaa kujiro 26 xubnood oo katirsan Jabhada gooni ugoosadka ah ee Polosario ee u dagaalanta xureynta Saxaraha galbeed ee wadanka Moroco.
Diyaaradu waxa ay ku burburtay Beer ku taala Hareeraha dariiqa weyn ee isku xiro garoonka iyo magaala madaxda wadanka, diyaaradan burburtay nooceeda waxaa lagu sheegay inuu ahaa kuwa lagu daabulo ciidanka iyo Agabka Military.
