Wararka ka imaanaya wadanka Mareykanka ayaa sheegaya in weerar hubaysan oo khasaara dhaliyay uu markale ka dhacay mid kamida gobollada wadanka Mareykanka.
Ugu yaraan Afar qof aya dhimatay afar kalane dhaawacyo ayaa soo gaaray kadib markii Nin hubeysan uu toogasho ka geystay gobolka Tennessee.
Goob joogayaal ayaa sheegay in ruuxa dadka dilay uu adeegsanayay qori nuuca otamaatigga udhaca ah, saraakiil katirsan Booliska dalka Mareykanka ayaa sheegay in wali aan lagu guulaysan in gacanta lagu dhigo Ninka weerarka fuliyay balse ay wadaan howlgal ay ku eryanayaan.
Wararka ayaa intaas ku daraya in mid kamida dadkii ku sugnaa maqaayadda weerarku ka dhacay uu qoriga kula dhegay Ninka toogashada geystay kadibna uu ka qaatay qorigii uu watay taas oo sababtay in khasaaruhu yaraado.
Toogashooyinka ay geysanayaan kooxaha Gaangiistarrada ah ayaa kusii badanaya gudaha wadanka Mareykanka sanaddii lasoo dhaafay weerar ka dhacay magaalada Las Vegas waxaa lagu dilay 58 qof halka weerar kale oo ka dhacay gobolka Floorida lagu dilay 17 qof.
Hubka oo gacmaha ugu jira dadka Americanka ah ayaa loo sababeynayaa kororka kiisaaska ku aaddan toogashooyinka oo badanaa ka dhaca isku imaatinnada dad weynaha sida iskuullada iyo maqaayada iyadoona marmarka qaar toogashooyinku ka dhacaan Kaniisadaha.
