Hubkii dowladda Imaaraatka carabta ay soo gelisay dalka Soomaaliya ayaa lagu arkayaa iyadoo lagu kala iibsanayo suuqa waaweyn ee magaalada caasimadda ah.
Saraakiishii dowladda Federaalka ee gacanta ku hayay xerada Tababarka Jeneral Gordan ee degmada Hodon ayaa bilaabay in ay labaxsadaan hubkii iyo rasaastii ku xareysneed Bakhaarada.
Wakaaladda wararka Reuters ayaa faafisay warbixin sawirro wadata oo xaqiijinaysa in hubkii UAE ay ku qalabeysay ciidamada DF-ka uu hadda suuqayada arrinkaas oo fadeexad ku ah maamulka Farmaajo.
Ugu yaraan 600 oo qori gacmeed ah ayaa isbuucii lasoo dhaafay laga boobay saldhigga tababarka dowladda Imaaraatka Carabta ee magaalada Muqdisho waxaana hubkaas lageeyay suuqyada hubka sida ay xaqiijiyeen ganacsatada waaweyn ee hubka iibisa.
Qaar kamid ah ganacsatada oo Reuters ay la kulantay ayaa ayaa sheegay in si caadi ah hubku uu uyaal suuqyada wuxuuna carabaabay in saraakiil Soomaali ah oo dowladda Imaaraatka Carabta tababartay ay ukeeneen hubka.
Sanaddii 2014 ayay dowladda Imaaraatka Carabta magaalada Muqdisho ka bilaawday tababaridda maleeshiyaadka DF-ka iyadoona maalgelin xooggan siin jirtay ciidamada AMISOM ee duullaanka kusoo qaaday Soomaaliya.
