Ciidamo aad u hubesyan oo katirsan Xarakada Shabaabul Mujaahidiin ayaa xalay weerar xooggan ku qaaday saldhig melleteri oo ku dhow magaalada Marka ee xarunta Sh/Hoose.
Dagaal culus ayaa ciidamada Al Shabaab iyo maleeshiyaadka Dowladda Federaalka ku dhaxmaray deegaanka Buufoow Bacaad oo katirsan Shabeelaha Hoose.
Dadka deegaanka ayaa soo sheegay in dagaallo saacado socday kadib ay ciidamada Al Shabaab la wareegeen gacan ku heynta saldhiggii lagu hardamay ee Buufoow.
Ciidamada shisheeyaha AMISOM oo saldhig ku leh meel aan ka Fogeyn Buufoow ayaa madaafiic ku duqeeyay dhulka howdka ah, maleeshiyaadka DF-ka ee la weeraray ayaa ufirxaday dhanka saldhigga AMISOM oo ay maciin ka raadiyeen.
Al Shabaab ayaa maalmihii lasoo dhaafay weeraro qorsheysan ka fulinaysay saldhigyada melleteri ee ku teedsan wadada laamiga ah ee xiriirisa degmooyinka Afgooye iyo Shalaambood.
