Xog dheeraad ah ayaa kasoo baxay qarax khasaara badan dhaliyay oo xalay ka dhacay gudaha degmada Wanlaweyn ee gobolka Shabeellha Hoose.
Qaraxa oo xalay fiidkii ka dhacay isku imaatin ay ku sugnaayeen askar iyo Mas’uuliyiin ayaa gallaaftay nolosha ugu yaraan 11 qof oo uu kamid ahaa madaxii maaliyadda maamulka degmada Wanlanweyn.
Goob joogayaal ayaa sheegay in qarax miino lala helay guri ay xilligaas Maandooriyaha Khaatka ku cunayeen askar iyo saraakiil, dadka qaraxa ku dhintay waxaa kamid ah Nin magaciisa lagusoo gaabiyay Hurdaaye oo ahaa mas’uulkii dhanka maaliyadda uqaabilsanaa maamulka degmada.
Askarta qaraxa ku dhaawacantay ayaa tiradooda lagu sheegay 7 askari kuwaas oo loola cararay xarun caafimaad oo ciidamada Mareykanku ay ku leeyihiin garoonka Balidoogle.
Xarakada Al Shabaab ayaa sheegatay mas’uuliyadda qaraxa ka dhacay degmada Wanlaweyn sida ay baahisay idaacadda Andalus ee Afka Xarakada ku hadasha.
