Maxkamadda Shareecada Islaamka magaalada Saakow ee Wlaayada Jubbooyinka ayaa maanta xukun xad Qisaas ah ku fulisay nin hore u dilay wiil iyo aabihiis.
Xukunkan Qisaasta ah ayaa lagu fuliyay Cali Max’ed Cali oo 51 sano jir ah, kaas oo dilay wiil iyo aabihiis oo lagu kala magacaabo Aadan Cali Nuur (waa Aabaha) iyo Cali Aadan Cali (waa Wiilka).
Dilka 2-da qof ayaa yimid ka dib markii raashiinka loogu daray Sunta Jiirka, waxaana dhimashada 2-da qof ka sokow sidoo kale ay Sunto saameysay 3 caruur ah balse badbaaday.
Qaadiga Maxkamadda Shareecada Islaamka ee magaalada Saakow ayaa sheegay in ninka dilka geystay uu Maxkamadda ka hor qirtay falka uu kula kacay dhibanayaasha kaas oo ka dhacay tuulo hoos tagta magaalada Saakow.
Aqrinta Xukunka Maxkamadda ka dib, ayaa Xadkii Qisaasta lagu fuliyay Cali Max’ed Cali.
Dilalka xaq-darrada ah ayaa aad ugu yar deegaanada looga dhaqmo Shareecada Islaamka ee Soomaaliya, waana deegaannada ay si buuxda gacanta ugu heyso Xarakada Mujaahidiinta Al-Shabaab.
