Duqeymo xagga cirka ah oo uu Mareykanku ka geystay dalka Afghanistan bartamihi bishii June ee la soo dhaafay ayaa lagu dilay Sheykh Mullah Fadlullaah oo ahaa amiirkii Xarakada Taliban Pakistan, iyadoona amiirka lala dilay qaar ka mid ah saraakiisha ururka oo la joogtay xilliga uu weerarku dhacayey.
Weerarkan oo ay sheegatay dowladda saliibiyada ah ee Mareykanka ayaa ka dhacay degmo lagu magacaabo Marawara oo ka tirsan gobolka Kunar ee bariga dalka Afghanistan.
Warbaahinada Maxaliga ee wadanka iyo Saraakiisha Xukuumada Kabul ayaa sheegay in Sheykh Fadlullaah lala dilay hogaamiyeyaal kale oo ka tirsan ururka kuwaas oo ay ka mid yihiin: Abuu Bakar Sajjaad, Cimraan iyo Mowlawi Cumar.
Sheykh Mullah Fadlullaah ayaa talada Xarakada Taliban Pakistan la wareegay Bishii Nov. ee sanadkii 2013-ka markii uu shahiiday Amiirkii isaga ka horeeyey ee la oran jiray Sheykh Xakiimullaah Maxsuud.
Wuxuu ka mid ahaa Saraakiisha sarsare ee Xarkada Taliban Pakistan tan iyo markii la aas-aasay sanadkii 2007-dii. Ka hor inta aanan loo magacaabin Amiirka Xarakada, wuxuu ahaa Mas’uulka Taliban Pakistan u qaabilsan Waadiga Suwaat, halkaas oo ah isla mandiqada uu ka soo jeedo.
Wuxuu ahaa Abaanduulihii hogaaminayey dagaaladii ballaarnaa ee Waadiga Suwaat ku dhexmaray ciidamada Pakistan iyo dagaayahanada Xarakada Taliban Pakistan kuwaas oo dagaalayahanada ururka u suuragaliyey in ay wax ka yar 60km u soo jirsadaan magaalada Islamabad ee Caasimadda wadanka Pakistan.
Maraakizta Daraasaatka ee gaalada iyo wazaaradda arimaha dibadda ee Mareykanka waxay sheegaan in Mullah Fadlullaah uu xiriir dhow la lahaa Mujaahidiinta Al-Qaacida, uuna ku taagnaa dhabaha hogaamiyeyaashii isaga ka horeeyey, iyagoona tibaaxay inuu qabay aragtida ah sidii dhulalka Islaamka looga hirgelin lahaa ku dhaqanka shareecada Islaamka, Umaddana loogu mideyn lahaa hal raayo sida uu ku sheegay fariin uu jeediyey sanadkii 2017-kii.
Warbaahinada reergalbeedka waxay sheegayaan in hogaamiyahan lagu dilo dalka Afghanistan in ay gudbineyso fariin ah inuu weli jiro xiriir iyo isku xir weli ka dhexeeya Imaarada Islaamiga Afghanistan iyo Xarakada Taliban Pakistan, ayna weli Xarakadan saldhigyo ku leedahay gobolo ka tirsan Afghanistan sida Kunar iyo Nuuristan oo ah deegaano ay ku xoogan yihiin Mujaahidiinta.
Ciidamada Mareykanka iyo Xulifadooda ayaa sanadkii 2009-kii isaga soo baxay gobolada Nuristan iyo Kunar ka dib markii ay la kulmeen weeraro ballaaran oo joogta ah, waxaana tan iyo markaas ay goboladaas ahaayeen kuwa ay Mujaahidiintu ku xoogan yihiin.
Military-ga Mareykanka ayaa horay u sheegtay in duqeymo ka fuliyeen gobolka Kunar ay ku dileen hogaamiyeyaal ka tirsan Taliban Pakistan kuwaas oo mid ka mid ah ay sheegeen in ay ku beegsadeen isla hogaamiyaha ay hadda dileen.
Horaantii bishii Maarso ee sanadkan, wuxuu Mareykanku sidoo kale sheegtay inuu duqeyn xagga cirka ah oo uu ka fuliyey Afghanistan ay ku beegsadeen Mcaskar ay ku tababartaan ciidamada Taliban Pakistan, ayna halkaas ku dileen Saraakiil dhowr ah oo uu ku jiro wiil uu dhalay hogaamiyaha hadda Shahiiday, Sheykh Mullah Fadlullaah.
Halkan Ka Dhageyso Istish-haadka Sheekh Mowlawi Fadlullaah.
Calamada.com
